Mastreechter veerskes

[p. 89]

Schoen ouge.

Mein Liebchen, was willst du mehr? H. Heine.

De hùbs schoen ouge,
Twie diamante, die
Et riikste ziin in weerde;
Men leeste, wat wèlste nog mie?

Mèttie schoen ouge
Dao deiste mèt de snie
Van al de harter smèlte;
Men leeste, wat wètste nog mie?

Door die schoen ouge
Bin ich wie dol en wie
Mèt heksendraod umtouverd;
Men leeste, wat wèlste nog mie?

In die schoen ouge
Dao golf en straolezie,
Dao bin ich in verdrònke;
Men leeste, wat wèlste nog mie?

1865.