Tpalays der gheleerder ingienen, oft der constiger geesten

[fol. Evijv]

lxxij.

De herde peyre duer de cracht der sonnen snel
Verandert wel // ende is int smaken soet
Sgelijcx de ioncheyt dwaes en sot van opstel
Duer raet der wijsen, verandert wel sinen moet
Metter tijt verandert wel tquaet int tgoet
Metter tijt is haer de kintsheyt vernoeyende
Den tijd is thoot van alle leeringhe vroet
De sotten doet den tijt in wijsheyt sijn bloeyende
Tot redene, ende verstant haer sijn spoeyende
Ghelijck de sonne maect rijp het fruyt
So doen de iaren, de menschen sijn groeyende
In verstant, die te voren ware plomp en ruyt.