Tpalays der gheleerder ingienen, oft der constiger geesten

[fol. Dvijv]

lvi.

De raue inslickende een serpent mispresen
Tdunct haer wesen // suycker, oft venisoen prijselijc[k]
Maer na de mael dat in is gheresen
Ist haer berouwen, dat si onwijselijck
Heeft ghedaen, smakende den guer afgrijselijck
Men moet eten en drincken by redene, en mate
Al dunct v spijse, oft dranck, sien iolijselijck
Neemdijs te vele, het is tot uwer onbate
Ghi crencter mede v natuere, dan ist te late
De wijse en neemt niet meer dan hi en begheert
Duer gulsicheyt, denct hier op tsy van wat state
isser meer gestoruen, dan duer mars bloedich sweert