Tpalays der gheleerder ingienen, oft der constiger geesten

[fol. Dvir]

liij.

Een cleyn vlecke, men wel siet int daenschijns coluere
Tot elcker vre // dan die opt lichaem is bedect
Daenschijn is alomme bloot, duer natuere
Dlichaem verborghen, en canmen niet sien beulect
Een cleyn ghebreck, maect eenen Prince suspect
Dwelck men niet en siet in eenen cleyn van state
Coninghen, Princen behooren tsijne perfect
Bouen haer ondersaten, houwende mate
Haer boosheyt bouen andere staet haer ten verwate
Recht, en redene ghebruyckende in elcx presentie
En si anders sijn dan si behooren van ghelate
Elck sal haer vlecke mercken vol der violentie.