Tpalays der gheleerder ingienen, oft der constiger geesten

[fol. Bviijr]

xxv.

Alsmen den bogh // meer spant putertierich
Dant is manierich, het is misprijsselijck
Inder noot, is hi slap, en niet bestierich
Dus die sulcx doet, hi doet onwijsselijck
Die hem traueleert, sonder noot onwijsselijck
Als hijt van doene heeft, is moe en mat
Voor inconuenienten wacht v afgrijsselijck
Op dat ghi in noot, muecht houwen sat
Hebt altijt voor ooghen der fortuynen rat
Laet den boghe wat rusten tot inder noot
Soo muechdy sijn stercte besighen te bat
Het is een exempel om wercken bloot.