Tpalays der gheleerder ingienen, oft der constiger geesten

[fol. Bijv]

xiiij.

Om een cleyn sake men lichte trouwe veriaecht
Wien dat mishaecht // het is openbaer
Een pluyme inde swaerte meer verdraecht
Teghen die trouwe meer weghende swaer
Dus is alle menschen een schoon exemplaer
Te maken met die vrientscap, die vrienden wesen
Na dat fortuyne draeyt, met haer eenpaer
Warachtighe vrientschap, reyn wt ghelesen
Kentmen, als si ter noot coemt gheresen
In tijt des drucx, in persequeringhe
Ter noot kent deen vrient den anderen ghepresen
Dan heeft de vrientschap een stercke fonderinghe