Tpalays der gheleerder ingienen, oft der constiger geesten

[fol. Aviv]

vi.

Momaensichten nv schier ghemeyn // sijn
Weer si groot, oft cleyn // sijn, elck wilter eene
Alleen in bancketten, plaghen si reyn // sijn
Maer elck ghebruyctse tallen plaetsen ghemeene
Een elck gheueysde, is nv op die beene
Verraetschap schuylt wel, onder sprake delicaet
Bedroch onder een schoon opsien reene
Ten is gheen wonder dat nv ter werelt dus gaet
Lachende deen, dander tonrecht slaet
Elck om sijn aensicht te verualschen doet diligentie
Subtijlheyt en list, steect onder een bly ghelaet
Dus hebben die monaensichten residentie.