Het oude Nederlandsche lied. Deel 3

[p. 2521]

652. Aenhoort, ick sal beghinnen.

⁽¹⁾

1.
Aenhoort, ick sal beghinnen
om te singen een nieuwe liet;
ontstelt ben ick van binnen
en mijn hert lijt swaer verdriet.
Van duechden ben ick bloot; (2 maal)
o scoonste boven alle vrouwen,
troost mi in mijnder noot.

2.
Die werelt heeft mi bedrogen,
deerlijck ben ick verleyt;
wellust heb ick gheploghen
ende solaes met vrolijcheyt.
Van duechden ben ick bloot; (2 maal)
o hemelsche coninghinne,
troost mi in mijnder noot.

3.
Minen tijt heb ick versleten
al in sonden menichfout;
mijns selfs heb ick vergheten,
eylaes, dat mi seer rout.
Van duechden ben ick bloot; (2 maal)
o moeder ende maghet reyne,
troost mi in mijnder noot.

4.
Mocht ick doch troost verwerven,
so waer mijn herte ontlast;
maer ick duchte voer deewich sterven,
want mijn cranckheyt daghelijcx wast.
Van duechden ben ick bloot; (2 maal)
o edel besloten fonteyne,
troost mi in mijnder noot.

(1) t.: f e d c d d c.

[p. 2522]

 

5.

 

Rijck God wilt mijns ontfermen,

 

ick ligge in sonden swaer;

 

ende wilt mi doch beschermen,

 

o Maria, maghet eerbaer.

 

Van duechden ben ick bloot; (2 maal)

 

o moeder der ontfermherticheden,

 

troost mi in mijnder noot.

 

 

 

6.

 

Wat baet mijn bancketteren

 

en hoveren nacht en dach,

 

braggheren en triumpheren,

 

dat ick wel beclaghen mach.

 

Van duechden ben ick bloot; (2 maal)

 

o Maria, der sondaren hope,

 

troost mi in mijnder noot.

 

 

 

7.

 

Ick wil voort aen bedwingen

 

mijn vleesch tot quaet gheneycht,

 

ende vruecht met droefheyt mingen,

 

want die Heere heeft mi ghedreycht.

 

Van duechden ben ick bloot; (2 maal)

 

o troost van alle sondige herten,

 

troost mi in mijnder noot.

 

 

 

8.

 

Niet meer en wil ic singhen

 

van deser werelt iolijt,

 

ick mocht die sommige bringen

 

in druck ende ydelheyt.

 

Voert eerbaer regiment,

 

altijt opt eyndeken denct;

 

so suldy, als den tijt sal comen,

 

ghepresen worden excellent.

 

 

 

9.

 

Princesse, hooghe ghepresen

 

in des hemels firmament,

 

doer u ben ick ghenesen,

 

in mijn herte staet ghi gheprent.

 

Van duechden ben ick bloot; (2 maal)

 

o scoonste boven alle vrouwen,

 

troost mi in mijnder noot.

4, 1. doch bijgev. - 8, 3. die sommighe, die some of die sommige = (in 't enkv.) iemand, (in 't meerv.) eenigen. - 8, 5. regiment, levenswijs, zeden. Kiliaen heeft regiment-heer = magister morum.

Tekst en melodie.

Een dev. en̄ prof. boecxken, Antw. 1539, nr. 25, uitg. D.F. Scheurleer, bl. 46, zonder wijsaanduiding; - J.C.M. van Riemsdijk, Vier en twintig liederen uit de 15^de en 16^de eeuw, 1890, nr. 1, bl. 4.