Het oude Nederlandsche lied. Deel 3

[p. 2395]

616. Sal ick sijns langhe ontberen.

1.
Sal ick sijns langhe ontberen,
die mi verbliden mach?
Met hem wil ick gaen teeren,
soe heb ick goet ghelach.
Van hem en wil ick niet sceyden,
want hi betalet al;
ick hope, hi sal mi beyden,
al sijn mijn rentkens smal.

2.
Ick ben verdoelt, och leyder,
waer sal ick henen vlien?
Ick ben van hem ghesceyden,
ick en derf niet opwaerts sien.
Des leyt mijn herte in rouwen,
beyde nacht en daer toe dach;
waer sal ick mi onthouden,
ick ducht seer voer den slach.

3.
Hoe dom was ick van sinne,
dunct mi na mijn verstaen,
dat ick oyt leyde minne
aen tghene dat moet vergaen.
Des ben ick seer te schouwen,
dat ick des oyt bestont;
waer sal ick mi onthouden,
ick ben ter doot ghewont.

4.
Ick wil in hopen leven
ende maken goeden moet,
al heb ick dit bedreven,
het mach noch werden goet.
Ick wil nu weder keeren
tot hem die mijns wel acht,
ende volghen sijnder leeren
nae mijnder sielen cracht.

[p. 2396]

 

5.

 

Eylaes, ick ben ghesceyden

 

van God, mids sonden groot;

 

ick doelde, ick was verleyden,

 

ick waer veel liever doot

 

dan ick aldus sou dolen:

 

want ick en weet waer heen;

 

ick soude sijn verloren

 

al inder hellen scheem.

 

 

 

6.

 

Aldus mach ick wel claghen

 

ende laten alle mijn vruecht,

 

want God mi alle mijn dagen

 

anders niet en doet dan duecht;

 

ick en mach sijns niet vergheten

 

al in mijns herten gront;

 

anders worde ick verbeten

 

al vanden helschen hont.

5, 8. scheem = schaduw. - 6, 8. helschen hont = Cerberus, de duivel.

Tekst en melodie.

Een dev. en̄ prof. boecxken, Antw. 1539, nr. 102, uitg. D.F. Scheurleer, bl. 129, ‘dit is die wise: Ick ligghe op die steenpoorte ghevaen’. - Erk u. Böhme, Deutscher Liederhort, 1893, I, bl. 98, meenen in dezen zang de melodie van den Graef van Romen te herkennen, een tot hiertoe niet teruggevonden lied, waarvan de tekst o.a. als wijsaanduiding diende voor het lied: ‘Aenhoord zonder vermijden’ (van Griselle); zie hiervoren I, nr. 47, bl. 261. De lezing van deze zangwijs volgens Een dev., enz., kan zeer wel eene moderniseering, in de moderne dur-toonladder, zijn van de iastische melodie hiervoren t.a.p. als ‘eerste melodie’ weergegeven.