Schoonhoofs lust-prieelken

[fol. A5r]

[Krijgend' yet wat inde handt]

Krijgend' yet wat inde handt,
Soo u waen-wijs grof verstandt
Door't vernuft het niet kan vaten,
Begint ghy het stracks te haten,
Trotsigh seght ghy ten Deught niet
Eermen van u beter siet,
Dus merckt men dat 't waen-bet weten,
Int verdorven breyn gheseten
Is, en 't harsen-loose hooft,
Van 't reght oordeel is berooft,
Dus heeft BRED'RO waert verheven,
Wel te reght van u gheschreven.

Wist den dwaes dat hy waer sodt,

[fol. A5v]

 

En badt den goeden grooten Godt,

 

Hy sou dat's wis wel haest ghenesen:

 

Maer sotheyt is van sulck ghedaent

 

Dat sy haer selfs de wijse waent,

 

Dus blijft de Nar int maene wesen.

I.C.W.