Logo DBNL
Refreinenbundel (1940)

Refreinenbundel

(1940)–Jan van Doesborch–rechtenstatus Auteursrecht onbekend

Vorige Volgende

[LXXXVIII]

Niet voor een hertelic vrient ter noot

Refreyn

 
AL ware gout, siluer en schat, sijt dies wijs,
 
Al mijne dat nv is int ghemene,
 
Al ware const, cracht, eere en prijs,
 
Wijsheyt, stoutheyt in mi alleene,
5
+ Nochtan so soudt mi duncken cleene
 
Tegen een hertelijc medelijden.
 
Ten was noyt geen so groot in weene,
 
Een hertelic vrient dede hem verbliden;
 
In siecten, in qualen, in vechten, in striden,
10
In druck, int leuen ende inden endt
 
Blijft een hertelic vrient bi tallen tijden
 
Hoe groot in noode sijn lijden bekent. vs. 12
 
Minne is van desen al tfondament
 
Dus mach elc wel seggen cleyn ende groot:
15
Niet voor een hertelic vrient ter noot.
 
 
 
Een hertelic vrient in node ghetrouwe
 
Daer tegen en is gheen murmureren;
 
Hoe groten schat vergadert, also ick schouwe,
 
Tvergaet, mer een hertelic vrient mach niet mineren. vs. 19
20
Hoe stout, hoe wijs int argueren,
 
Const, cracht en eere, tmoet al begeuen,
 
Mer een hertelic vrient om wel studeren
 
Gheduert int steruen ende ooc int leuen.
 
Als vrient den vrient in liden weet sneuen
25
Hoe verre hi si van hem, dats waer,
 
Hi heeft met hem door ionsten aencleuen
 
+ Ten minsten een hertelic lijden swaer.
 
Dus derfic wel seggen int openbaer:
 
Voor alle verdriet ende wederstoot
30
Niet voor een hertelijk vrient ter noot.
 
 
 
Een die in node es swaerlic beuaen,
 
Die staet te lijdene verdriet en pijn,
 
Hertelike vrientschap alsdan ghedaen
 
Es troost als den siecken is medicijn.
35
Hoe staet een meer verblijt te sijn
 
Dan die hulp en troost in node ontfaet;
 
Ick en saechs te mercken in gheenen fijn
 
Wat crachten dat daer vooren gaet.
 
Een vriendt die in noode bi staet
40
Dat es een die schande in eeren keert,
 
Hi es die te arbeyden niet en laet
 
In noode, daer vrient bi wort gheeert,
 
Hi es die ons vrient recht beminnen leert,
 
Dus seg ick noch soot ionste mi gheboot:
45
Niet voor een hertelic vrient ter noot.
 
 
 
Prince
 
Prince ende hertelic vrient ghepresen,
 
God beter alle dingen talder tijt. vs. 47
 
+ Sulc schijnt eens anders vrient groot wesen,
 
Mer om een woort ist nalicx groot nijt; vs. 49
50
Ick en gheloue niet dat daer des seker sijt,
 
Hertelijcke minne is totter doot
 
Daerse om een woort so haest verglijt
 
Daer soudse qualijc schinen vrient ter noot.

[houtsnede]


Vorige Volgende