Refreinenbundel
(1940)–Jan van Doesborch–
Auteursrecht onbekend[LXXII] Refreyn
A Dieu mijn hertelic troost seer soet,
adieu mijn weertste liefste bloet,
adieu mijn alderschoonste dach,
adieu confoort, alle mijns lijdens boet,
5[regelnummer]
adieu mijn wtuercorenste goet,
Ga naar margenoot+ adieu mijn liefste ooghe opslach Ga naar eindvs. 6
adieu om wien ic roep o wach,
adieu mijn hoochste medecijn,
adieu, want ic noyt gheen lieuer en sach,
10[regelnummer]
adieu, het moet gescheyden sijn.
Adieu tresoor, mijn sins behoet,
adieu rosier vol alder ootmoet,
adieu mijn eewich gheclach,
adieu mijn troost, sijt wijs en vroet;
15[regelnummer]
adieu lief die mi met sorghen voet,
adieu voort meer sonder verdrach.
| |
[pagina 133]
| |
adieu lief, na v is al mijn ghevrach, Ga naar eindvs. 17
adieu, dit doet so groten pijn,
adieu lief die mi te troosten plach,
20[regelnummer]
adieu, het moet ghescheyden sijn.
Adieu reyn spieghel van seden soet,
adieu die mi dicwil versuchten doet,
adieu, in mi was noyt sulck verdrach; Ga naar eindvs. 23
adieu mijn hope, mijn hoochste vloet, Ga naar eindvs. 24
25[regelnummer]
adieu mijn lief, mijns leedts veriach,
adieu mijn vruecht, nv mijn eewich ach,
adieu, ghi blijft die liefste mijn,
Ga naar margenoot+ adieu fonteyne mijns vruechts ghelach,
adieu, het moet ghescheyden sijn.
30[regelnummer]
Princesse die mi den last op loet,
ic hope tsiene v liefste aenschijn,
ghedenct doch mijns die in liden wroet,
al moet nv lasen ghescheyden sijn.
|
|