Refreinenbundel

[LXIV] Refreyn

MOet, sin en herte sijn mi verlast, ^{vs. 1}
in mi en is vruecht noch rast
mits liefde die mi hout in dangiere.
eens vrient, nv gast, so bliuic vast ^{vs. 4}
met allen ontpast mits drucs quartiere. ^{vs. 5}
suchten en peysen is mijn bestiere,
⁺ donblusschelic vier der liefden cracht
doet mi lopen recht als een diere,
verbluystert, veriaecht, nv daer nv hiere, ^{vs. 9}
wat dienst ic haer doe tis cleen gheacht.

Och dalderliefste en niemant el

doet mi ghequel, tdunct haer al spel,
nochtans en can icse daerom niet haten;
al valtse mi fel en seer rebel
dat weet ic wel wie souse laten.
ic en can mi seluen niet ghesaten, ^{vs. 16}
ic loop achter straten dach ende nacht;
ontsint van herten bouen maten,
ic claghe, ic karme, ten mach niet baten,
wat dienst ic doe tis cleen gheacht.

vs. 1 verlast: beladen, bedrukt.

vs. 4 gast: vreemdeling (bij Kil. reeds verouderd).

vs. 5 ontpast: ontsteld, in de war; vgl. Hand. d. Amour. Dd 8 r°. - mits: door.

+ [f. 90 r°]

vs. 9 verbluystert: verschroeid (vgl. vs. 7).

vs. 16 ghesaten: kalmeeren; vgl. LVIII, 9.

[p. 121]

 

Hoe soudic blijtscap oft vruecht beginnen

 

als si mi laet die ic met herten minne

 

so is verloren den troost van mi.

 

ic meen ontsinnen duer dit bekinnen,

25

therte sterft van binnen ende roept o wy.

 

ic bliue bedruct, tsi hoe tsi,

 

mijns selfs onvry, dats mijn beclacht,

 

⁺ want als ic meen haer te comen bi

 

so ist om niet; tfy liefde tfy,

30

wat dienst ic haer doe tis cleen gheacht.

 

 

 

Prince

 

Al loep ic door reghen door wint,

 

in wijsheden blint recht als een kint,

 

nochtans en machse mi nauwelic sien,

 

die therte bemint al ben ic ontsint,

35

si mach mi twint, wat macht bedien,

 

mi en mach van haer gheenen troost geschien.

 

al heb ic mijn sinnekens aen haer verpacht

 

ic en weet mijn lijden clagen wien.

 

wat dienst ic haer doe tis cleen gheacht.

+ [f. 90 v°]

16. HA.: Ick en weet my seluer waer gelaten.