Archief voor kerkelijke en wereldsche geschiedenissen, inzonderheid van Utrecht. Deel 5

II.

Ick Pieter Micault, her zu Indefelde und Diefenstein, vonn wegen irer hoichfurstlichen Durchleuticheitt bestelter Droste der stadt unnd herschaft Lingen, doe kund unnd hiemit jedermennichlich fuegen zu wissen, nachdem ich hieselbsten in dieser meiner ankunft zu Lingen, keine Pastoreien inn dieser stadt unnd herlicheit behoirlich besetzt unnd ueber deme in allen kerspelen grosse misbruiken gevonden, unnd unordnungen derer geistlichen beneficien erspuert, unnd damitt die Gottsheuser und kirchen mitt altaren nit allein widerumb mugen versiehen unnd etwas repariert, sondern auch die kirchen, so annoch mit pastoren behoerlich nit versiehen unnd gleichwoll hirinne bis ankunft des heren stadholters und vicarii generalis.... wes mugelich versiehen unnd auf allen kerspelen der behoirlicher Gottesdienst widerumb gepfleget muge worden. Als hab ich hiemitt dem Erbaren Julian Volbier committirt unnd gevollmechtichtt, wie ich dan denselbigen kraftt deeses committere unnd volmechtichte, sich anstunt in allen kerspelen solle erfuegen unnd kraftt ime hiebei ubergebener instruction fleitichlichen und getrouw zu erhaltung der catholischer apostolischer romischer religion, unnd statuiten zu erhalten unnd alles fleissig zu bestellen, ob ich in eigener person solches um besten thuen unnd geschehen solle lassen mugen oder konnen.

Bevelhe der wegen irer hoicheits officieren, vogeden, kerckmeisteren oder raetsluden, dieselben gen. Volbier hirinne sollen respectiren unnd alle mugliche behilff unnd assistentie erzeigen, unb wes er vermuge habender instruction den vogeden und raetluden aufleggen unnd meinenthalben bevelhen mochte, solchs getroulichen zu achtervolgen.

In uhrkuntt dessen hab ich dieses mit selbsthanden underschriben, unnd mein pitschafft unden aufs spacium getrucket. Signatum Lingen, den 21. Septembris, Anno 1605.

Instruction vor Juliaen Volbier.

I. Erstlich solle er Volbier sich anstuntt op allen kerspelen in dieser herlicheytt unnd auch in der statt Lingen verfuegen, daselbsten in allen kerken, als to wetten in een yeder kercke vor eersten ein altar, up die plats, alwo hierbevorens dat hohe altar gestanden, verordnen, unnd solle dat altaer achter umbtrendt viff verdell voets die mouer dicker, als von aldes gewesen, gemachet, und drei voet hoher, dan dat altar upgemueret worden, umme ein tafell unnd bildtnuss dagegen anzusetzen.

II. Sollen die vogte unnd raetsluide to diesen altar to maken anstunt die materialia verschaffen, unnd vort dat altar gereide machen lassen.

[p. 122]

III. Soll auch Volbier die kerken besichtighen, off dieselven dat kloes oder ander gebreche hebben, dasselb flitich in notam nhemen, unnd so ferne es geschehen konne, anstunts ordonern dieselben mogen dichte gemacht unnd reparirt werden, und da solche reparation oder mangel so gross, dat anstunts darinne nit konne versiehen worden, mie davon wetten guede relation te doen.

IIII. Item, solen er in allen kerspell, als in ein jeder besonder sich erkundigen, by weme die altaren unnd kerken seint verwustet, unnd zu vernhemen, ob bei dennen oder andern nit ennige belden oder reliquiae auf den altarn mogtten beholden oder wech genommen sein.

V. Item, solle in ein jeder kerspell flitich angezeigenen, wat ornamenta in den kerken sein unnd was daran falieren.

VI. Item, solle er in ein jeder kercke verordnen unnd anstunts to machen bestellen eine fonte mitt einen fonten kessell darinne.

VII. Als mer auch vorkommen, dat up sommigen kerspellen einige sein so die fonten kesseln eigener authoriteit verbracht unnd wechgenhommen, auch die fonten seint neidergerissen worden, solle er Volbier sich erkundighen, wat personen solche kesseln verbracht oder noch bey sich hebben.

VIII. Up platsen, alwo die kesseln noch verhanden, solle die restitution mit helff des voogdes in jeder kerspell geschehen unnd gleichwohl mir die namen to weten doen.

IX. Gleichfalls solle er sich erkundigen, alwo dei weichkesseln verplieben, unnd umb restitution sich, wie obstehet, befleissigen, unnd, da keine vorhanden, anstunts in jeder kerche eine bestellen unnd hinhanghen lassen.

X. Solle er auch sich fleissiglich erkundighen unnd informiren, wat die lendereien, to ein jeder postorei, hueshuer, provenbrede, renten, pechte, offerpenningen unnd alles, so dartoe gehorich, dit leste jhar gedaen.

XI. Alle die gene, so in jeder kerspell sesshaft unnd geistliche gueter gepachtet umb ein jhar pacht mugen erfaren, wat die geistliche guetter gedan, solle er abkundigen laten dat dieselbigen, so dat leste jhar die geistlichen gueder gepachtet, sollen bei im Volbier kommen unnd solches laten anteikenen; immassen, wie obstehet, darvon ein klarlich register machen, was die pastoreien unnd vicareien gueder, ein jeder besonder gedan.

XII. Jmgleichen, was ein jeder uff das leste jahr betalt unnd noch hinderstendich sein, die nhamen und alles zu specificiren, und dass keine betalung solle geschehen, bis ferner bescheit, so wol als da pastoren sein, als da noch keine present sein.

Und dies alles solle gedueren unnd vollnzogen werden, bes revocation, unnd solle er Volbier des dages vor sein arbeit und vacatien van jeder kerspele muegen empfangen unnd geniethen....., unnd solches uth der kerken gueder mogen betaelt worden;

Und da in einigen kerspellen suspecte kerckraden sein mochtten, sullen dieselben ihr reichnunghen behorlich doen unnd andrer to des kerspelss satisfactie muegen gestalt worden.

Op een afzonderlyk reepje: D. Commissarius pro demolitione altar. habebit quotidie 3 f. Si dno placuerit, pro restauratione hab. hic modo 1½ f. aut 30 st. sub correctione et beneplacito.