Platbook 5. Moder Maas

[p. 56]

Riky Simons-Julicher, Zjwame
Aan geen ziej

Aan geen ziej
vanne Maas
liek 't graas
zo óngeweun
gelp en greun.

De kèrktores van Kessel,
Bögkeme en Naer
winke zo vruntjelik:
kóm 'ns hiejhaer.
En det geit 't sjnels
mit de fiets
op 't vaer.

Langsvarende sjepe
trèkke brei sjtrepe
door 't water.
Efkes later
kloetse hoog golve
taenge de kantj
en taenge 't beutje.
Lang haje die aevel neet sjtandj,
get wiejerop lègke ze 't leudje.

En veur des se 't wèts
sjteis se al aan de euverkantj.

[p. 57]

 

Weer liek 't graas

 

aan geen ziej vanne Maas

 

óngeweun

 

gelp en greun.

 

 

 

De kèrktores van Bezel,

 

Remunj, Ruiver en Zjwame

 

neuje zo vruntjelik:

 

kóm truuk hiejhaer.

 

En det geit 't bès

 

mit angere same

 

op 't grote vaer.