De warachtighe fabulen der dieren

[p. 217]

Edewaerd de Dene Brugghelingh

Tot den goedionsteghen Lesere.

OM dat de Figueren,, vul artistich labueren
End' aerdighe cueren
Niet zouden gheheel ijdel van redenen blijcken
Maer t'verstandt vermeeren
Door de lettere prentelick:
Wt liefden ter consten,, zoot de zinnen begonsten
Heb desen Boeck by ionsten
Ghestoffeert, met t'bedieden inRhetorijcken
Wat de figueren leeren
Om leuen gentelick:
Elck belief dies, daer somtijts blaeykens in keeren
Met een goet ooghemerck
Biddende den lesere reuerentelick
t'Werk,
Van een af-gaende leeck end' ongheleert Clerck
Ghedaen:
(Alle godsvruchtighe leecke menschen ter eeren)
Danckbarich mach ontfaen,
Voor een oorlof testamentelick
Gods wijscrachtichste gheest
Blijf alder meest
In elcx gheest presentelick
Om hem wesen
Hooghst gheresen,, Drievuldich ghepresen:
Obedientelick.

EDELICK beWAERD DE reDENE.