Eduard de Dene. Testament rhetoricael

⁺ Euangelien drie zondaghen inden aduent
Danof tvierde hiervooren folio.115.^* staet bekent/

+ 410 r

* Het cijfer ‘.115.’ is met blekere inkt later ingevuld.

[p. 162]

Vpden tvveeden zondach⁺

In dien tyden Alst iesus zoo wilde iunnen
hy tot zyn liefue discipelkens tspreken dede
daer zullen zeyt hy teeckenen zyn inder zunnen
inde mane / ende oock inde sterren mede
en verdriet der mensschen In deerdsche stede
mids confusie ende ongheregheltheyt zwaer
van tgheluudt der zee / en der vloeden onvrede
diepgrondelick zynde beroert openbaer
en die mensschen die zullen verdwynen der naer
van vreesen ende verwachtynghe der Dynghen
die der weerelt dan zullen ouercommen daer
vvant die crachten der hemelen duer een bedwynghen
ende gods ghehynghen
zullen worden beroert in huerlieder omRynghen
en dan zullen zy den zuene des mensschen crachtich
met zyn magesteyt / die hy met hem zal brynghen
Zien commen in een wolcke als god almachtich

Als deis dynghen om gheschieden beghin zyn maeckende
ziet vp / ende heft vp hu hoofden goet Rondt
vvant huwe verlossynghe die es naeckende
en zeyd hemlieden een ghelyckheyt / die warachtichste mondt
Beziet den fygheboom gheplant inden eerdschen grondt
ende alle boomen waer ghy wandelt ofte ghaet
als zy vruchten voortbrynghen / alsdan ter stondt
zo weit ghy dat den zomer te commene staet
Alsoo / als ghy dese dynghen (naer christus Raet
ziet gheschieden / zo zult dan weten ghy
warachtich zonder twyfel / dat niet ongheloouich laet
⁺ dat dan het Rycke gods naer es by
voorwaer zeg ick dy
dit gheslachte zal niet voor by ghaen vry
eer dees dynghen gheschiet zullen zyn eendrachtich
den conyngh der conynghen dan zullen wy
Zien commen in een wolcke / als god almachtich

Hemel eerde verghaen zullen / maer myn woorden ziet
zullen niet verghaen sprack christus verheuen
wacht hu dat by aventhueren hu herten Niet
bezwaert en worden met ghulsicheyts sneuen
en dronckheyt en zoorgfuldicheyt van dit leuen
dat hu onvoorzien niet ouercomme dien dach

+ Luce .21.

+ 410 v

[p. 163]

 

vvant als een streck omRynghende beseuen

 

zal hij ouercommen Rasch met een ooghvpslach

15

vp alle die daer zitten / (doet christus ghewach

 

vp taenschyn der eerden / hoedaenich gheresen

 

daer om waect altyds biddende / elck zoo hy best mach

 

vp dat ghy mueght weerdich ghevonden wesen

 

tontvliene mids desen

20

alle dese dynghen die als vooren ghelesen

 

daer toecommende zyn / ende staen warachtich

 

voor den zuene des mensschen / als zy hem ghepresen

 

Zien commen in een wolcke Als god almachtich

 

 

 

Naer dat die Prince christus die wy zyn eerende

25

dit sprack tzynen disciplen Tot tsgheests verstyfuen

 

tsdaeghs was hy inne den thempel Leerende

 

maer huutghaende / tsnachts inden bergh wildhy blyfuen

 

De welcke ghenaemt was Den bergh der olyfuen

 

inden dagheraet quam tot hem al tvolck ghemeene

30

vp dat zy hem inden thempel thuerlieder beclyfuen

 

altsaemen hooren zouden groot ende Cleene

 

Christen mensschen hier zynde noch int dal van weene

 

⁺ vveist sober bidt en waect / gheloofuich Voordachtich

 

ten laetsten daeghe zult de zuene des mensschen Reene

 

Zien commen in een wolcke Als god Almachtich^*

+ 411 r

* ‘Almachtich’: ‘A’ over ‘w’.