Eduard de Dene. Testament rhetoricael
(1976-1980)–Eduard de Dene–
Auteursrechtelijk beschermd
Totten Ledighen Voort
| |
[pagina 120]
| |
Deis leerynghe / heeft een griecx poete begrepenGa naar margenoot+
Allen mensschen es oock groot onledicheyt ghescepen
10[regelnummer]
end vp alle adams kyndren een iock zwaerGa naar margenoot+
vanden daeghe des huutghancx voorwaer
van haerlieder moeders Lichaeme
totten dach der begrauynghen bequame
in alder creatueren eerdsche moedere
15[regelnummer]
Dats / vp dat elck mocht wesen vroedere
van doe / dat wy gheboorte verwerfuen
es ons twercken angheboren / tot dat wy sterfuen
Ledicheyt es ziele ende lyf bedrieghende
een vueghel inde Lucht wechvlieghende
20[regelnummer]
die es zekere emmers vanden Nette
tsghelycx es de menssche vry van belette
der zonden / die hem om wercken gheeft
Sampson zoo dhelighe scriftuere inheeft
vechtende verwan hy de Philistinen
25[regelnummer]
maer als hy hem ghyngh tot Ledicheyt Pinen
Inden schoot slaepende van Dalyda
schoerze hem zyn haer af / ende wierd der Na
bedwonghen ghevanghen ende Blendt ghemaect
vp wien oyndt Ledicheyt heeft ghedaect
30[regelnummer]
slaeperich onwetenlick zyn doodlick bleuen
van vele diueerssche zo vyndtmer bescreuen
Sisara wierdt slaepende van Iahel vermoort /
Holofernes inder nacht / was oock dood bevonden
Maer dauid bleef onghequetst van zonden
zo langhe hy wat goets te werckene plach
5[regelnummer]
ende als hy vp zyn veynstere Ledich lach
ende bersabe zach // Wrocht hy ouerspel
ende manslacht ieghens tsheeren gods beuel
Niet beters dan waecken ende neerstich wesen
figuere hebwyr of ten propooste van desen
10[regelnummer]
hoe Saul in zyn thente ten voorleden iaeren
Abner / en zyn bewaerders slaepende waeren
niet waeckende neerstich / maer Leich int vercouden
dat zy Saul hueren Conyngh bewaeren zouden
zo dat Dauid aldaer by nachte quam
15[regelnummer]
ende Sauls spietsen ende waterbeker nam
alsdoe / doe dauid der mede wechghaende
heeft van verre gheRoupen staende
Zuenen des doods zyt ghylieden verclaertGa naar margenoot+
Want ghy huwen heere Conyngh niet hebt bewaert
| |
[pagina 121]
| |
20[regelnummer]
Ghy ledighen Aerdt // Claer by deser figuere
blyct / dat wy moeten waecken tot elcker huereGa naar margenoot+
onsen conyngh te bewaerne / neerstich te zyne
dat zyn de gratien met neerstegher Pine
die ons verleendt heeft god Conyngh almachtich
25[regelnummer]
dat wy die ter perfectien brynghen warachtich
Elck naer / dat hy ons gratien heeft ghegheuen
deene / tot een Contemplatyfuelick Leuen
dander tot alderhande handAerbeydelicks wercken
naer dat elck inne des weerelts percken
30[regelnummer]
van gode vercoren word / zal hij neersticheyt doen
neerstich zynde ter waecke vp elck saeysoen
want tRegiment des weerelts / dat moet gheschieden
Ga naar margenoot+ alsowel by ambochts als gheestelicke lieden
ziet neerstelick toe dan dach ende nacht
dat ghy den tydt waer neimt / en zoorgfuldicheyt acht
dat ghy den traeghledeghen knecht niet en slacht
5[regelnummer]
die zyn meesters pennyngh inden eerden graefde
ende tot ghewinne niet en beslaefde
//Dats ghy alle mensschelicke generatien
wien god heeft ghegheuen diueerssche gratien
dat ghy die niet huut en deelende zyt
10[regelnummer]
Ter gods eeren / Tzynder tydt
daer naer thuwen naesten / end hu tselfs proffyt
besich zynde werckende / elck naer zyn ghauen
deen int gheestlick / dander int ambachtlick slauen
Eerlicxst winnende brood / zoo ghy best wetende // zyt
15[regelnummer]
Om dat ghy vanden aerbeydt etende // zyt
van huwen handen / zo zal hu wel // zyn
ende zaelicheyt / zal hu zonder ghequel // zyn
dies yeghelick zy neerstich daer toe ghehult // vry
int zweet van huwen handen zo zult ghy
20[regelnummer]
eten hu broodt Twordt bequame den heere
Dat ziecte Aermoe en ghebreck van hu keere /
|
|