Eduard de Dene. Testament rhetoricael

Liedeken
Vpden Voys vanden stoorm van Munster // Ofte
van meester ian van poucke
Die den voys ghemist / dat hyse zoucke
Binnen droncke tenuers zanghBoucke⁺

O hooghste god die de liefde zyt
die alle mestrooste verblydt
In benautheyt ghezeten
Liefde des naesten te deser tydt
Die / es nv gheel vergheten /

⁺ Liefde tot god light onder de voet
Twelcke Symonie meest doet
en onder tschyn int vervulen
van helicheden gheveynst ghemoet
vele boosheden schulen

Liefde ten naesten Inde noodt
es vaeryncx gheel ter weerelt doodt
wouckerye es verheuen
tword poorters neerynghe zulck exploot
Daer veel eensdaeghs by leuen

+ .Anno. .1557.

+ 366 v

[p. 91]

 

Nyemandt vp gods gheboden acht

 

vpRecht ghelooue light vercracht

 

zulck wil ons twoord gods weeren

 

de schaepen worden verkutst verpacht

15

meest omme twulle scheeren

 

 

 

De machteghe van goede meest

 

zyn vanden aermen nv bevreest

 

zy en mueghense niet anschauwen

 

tvleesch verwint ieghens den gheest^*

20

Ouer mans ende vrauwen

 

 

 

Zulck die gheveynsdelick sluumt

 

den vleeschpot van Egypten schuumt

 

ghemackelick byden viere

 

Leckerlick leuen zyn zy ghecostuumt

25

Minst zoorght die maect de beste chiere

 

 

 

Der aermen Roup nyemandt Anhoort

 

tdeen Ryck es Ieghens dander ghestoort

 

tweedrachten Multiplieren

 

Roouen brandschatten diefte moort

30

ziet men noch daghelicx hanthieren

 

 

 

Met graen verkutsen zommich sneeft

 

end al daer de menssche by leeft

 

verdierst in allen landen

 

nyemandt tghemeente hulpe gheeft

35

Ten heeft ghelt Brood noch panden /

 

 

 

⁺ Zulck ydel buuckx en drooghen Mondt^*

 

wordt van ghebreken onghezondt

 

dies zy naer tghasthuus Loopen

 

Tesser al wech datter wel stondt

5

Daers niet meer om vercoopen

 

 

 

Al vvilden zy brood vvinnen ziet

 

de neerynghe en esser Niet

 

wat zullen de schaemel maecken

 

mans wyfs en kynderen Lyden verdriet

10

met verhongherde Caecken

 

 

 

Coopmanscepe heeft cleen bestier

 

elck wil nv worden een Rentier

 

om ghemaclick leuen leeden

 

daer vlieght zo meneghen ghulseghen ghier

15

Binnen de weerelts Breeden

 

 

* Vóór ‘gheest’ is ‘vleesch’ doorgehaald.

+ 367 r

* Vóór ‘Mondt’ is ‘b ... d’ doorgehaald.

[p. 92]

 

Nietmin hoet met de zulcke ghaet

 

elck die zal kennen zijnen staet

 

met dat hy heeft zyn tevreden

 

gheestelick weerlick tdoolt al Iaet

20

als thooft zieck es Trueren de Leden

 

 

 

Princhelick god almachtich meest

 

wien hemel eerde / end helle vreest

 

de duusterheyt wilt verlichten

 

zendt in ons Regierders vpRechten gheest

25

Dat persecutie mach zwichten

 

 

 

Dit^** liedeken ghemaect heeft hy

 

die gheerne Christo waeren by

 

verlost van tsvleeschs Lichaeme

 

ontbonden / zo mocht hy wesen vry

30

Duer zyn helighen Naeme

** ‘Dit’ verbeterd uit ‘De’ in grijzere inkt.