Eduard de Dene. Testament rhetoricael

[p. 7]

⁺⁺ Gramschap
Eccli .28.
Homo Iracundus Incendit litem
Psal .4.
Irascimini/ Et nolite peccare
Gramschap stranghe beerte
om quaet te sprekene
Es meest een Begheerte
om een ander te Wrekene

Vermalendyde dochters duuelssche ghelekene
worden van huer gheboren / Eerst der herten hoveerdie
kyfuaidge / spyticheyt / ander te verstekene
onweerdicheyt / Roupen / Blasphemye / deis drie
zyn oock van huer grammoedeghe Genealogie
vploopende van zinnen / huut quaetheyt staen beuen
huer zeluen gheel ontstellende / des paeys partie
spyteghe woorden / schimptoenamen gheuen
ghebreken verwyten / By anderen bedreuen
als die gheenssins ghetempert es in werck noch Woord
niet gherust tot ze zinneloos zy ghekeuen
zulcx es gramschap met diesser toebehoort
zouckende onpaeys Twist ende discoort
Brandstichten moort // Oorlooghsche ghyse
Sathan die tsmensschens bloedt verstoort
ontsteket tot Tweedracht voort ende voort
gheen Redene oorboort
maer dat hy gheel de payslicke vrede mespryse
Euelen ende Rampen zyn gramschaps^* devyse
Cabbelen vloucken pulckeren zweeren
met Cnueterpoer Reedtmer de beCnorde spyse
⁺⁺ en me ioncker van pronckenBurch schyncter muulpeeren
Nisschebollen dulcops die commer teeren
daer gramschap es als een verwyfde beeste
Ronssenaers haselaers clemmers begheeren
ende moeten oock wesen te deser feeste
keert of met blyden gheeste // zouct tpayslick landt

+ 317 v

+ Fol. 317 v, r. 1-5, 6 ‘Gramschap’, 24 ‘Sathan’, 28 ‘Euelen’, ‘Rampen’ onderstreept.

* ‘gramschaps’: ‘h’ over andere letter (beginhaal van k of s?).

+ 318 r

+ Fol. 318 r, r. 11-12 onderstreept.

[p. 8]

 

ende laet de zunne met hartneckeghen tempeeste

 

ouer huwe gramschap niet onderghaen Want

 

Gramschap verstoort end ontstelt dat verstandt