Eduard de Dene. Testament rhetoricael
(1976-1980)–Eduard de Dene–
Auteursrechtelijk beschermdRefereyn30[regelnummer]
Duerluchteghe Minerua paysdursteghe Nichte
my Venus scholier inzendt vanden Lichte
Ga naar margenoot+Ga naar voetnoot+ huwer scientificq minnelicxste bediet
doch huwer consultacie niet tmywaerts zwichte
vp dat ick mach weten int eerdsche ghestichte
vvaddynghe welck dat es / tslot van minnen / ziet
5[regelnummer]
my huwe bystandt Biedt
Reyn minnelick scholier / Vp dat ghy zoud niet
onghedoctrineirt mestroost blyfuen / tdesen tyden
vveist zinbuugsamich tmywaerts / troost word hu gheschiet
vvant ick wil hu medeelich zyn ende verblydenGa naar voetnoot*
10[regelnummer]
nv zonder afglyden
hoort die hem Reyn minnelick willen bevryden
Ick zegghe solueir hu / met amoureuse zinnen
zoot de goden goddinnen ende Nymphen belyden
Steruen in Liefden / dats tslot van Minnen
15[regelnummer]
De knye vander vrauwe minlick buugsamelick
dat es de sluetel certeyn bequamelick
tot minnelicke weilde doet die passeren
Vrau venus document Vesta betamelick
standvast totter dood toe zoo Anghenamelick
| |
[pagina 281]
| |
20[regelnummer]
met euphrosine tsaemen dit accorderen
end ordonneren
Want tfondament / van dit slot om tryumpheren
es ghestadeghe minne voor mannen en wyfuekens
ende den muer / eer die nyders Razeren
25[regelnummer]
es vroedelick helen damoureuse bedryfuekens
der vruechden schyfuekens
end eer daer vp Resen diueerssche ghekyfuekens
Vriendlick vpzien als schichten die cunnent verwinnen
ende finaelick voor die gente van Lyfuekens
30[regelnummer]
Steruen in liefden / dats tslot van minnen
In gheduereghe liefde Tbeddeken Reene
Liefzaemelick elck anderen daer ghemene
heet Loon van minnen Naer twillende Consent
de wachters van tslot der minnen alleene
35[regelnummer]
int corageuselick voornemen niet Cleene
Ga naar margenoot+Ga naar voetnoot+ zyn / die hem standvastich houden in tRegiment
hertwillich gent
die zoo Reciprocelick zyn vpghespent
winnen gaidgen van menich zoet zoentien aldaer
5[regelnummer]
maer Rhamnusia gheel de muraidgen schent
causerende der minne tzyne wanckelbaer
certeyn voorwaer
Reyn amoureux scholier volght dese lesse naer
hoe int leuen doet intreye ter staple binnen
10[regelnummer]
met beghin ende middele / tmach wel vvesen / maer
Steruen in Liefden dats tslot van Minnen
Amoureux voorspoedich Prinche in aerdicheden
al wat oyndt damoureuse minnaers deden
als een cort solaes eist al haestich verghaen
15[regelnummer]
Sophonisba / sulpitia zyn ouerleden
Rhodope daphne dido zyn oock bestreden
den doodlicken strael hebben zy moeten ontfaen
hoe in minnen ghestaen
oft in minlick solaes zyn debuoir elck ghedaen
20[regelnummer]
conclusiuelick was de minne niet gheel vulbrocht
dan vanden ghuenen omRynght van tscheedende vermaen
en ghebleuen totter dood toe in minnen ghecnocht
standvastich bedocht
| |
[pagina 282]
| |
tbeghinsel der minnen wel gheduerich wesen mocht
25[regelnummer]
tot de wanckelbaer brezeda keerde de zinnen
minne Retrograderende / dus hoe minlick ghewrocht
Steruen in Liefden dats tslot van Minnen
|
|