Eduard de Dene. Testament rhetoricael

Duuelsche generatie
huut onRechtueerdichede
Daer tsweerelts natie
ghepaert es mede

In Doude vaders exempelbouck vyndtmen bescreuen
dat den duvel by onRechtueerdicheyt zyn Minne
tien dochteren hadde Ter weerelt ghegheuen
Tien soorten van volcke daer noch kyndren of leuen
ypocrisie verheuen
schicte hy Religieusen ten eersten beghinne
Priesters ende clercken als huerlieder Vriendinne
Iondhy Symonie zyn tvveetste dochtere
Monseurs Ionckers / houeerdicheyt van zinne
⁺⁺ gheene dan de die best gheuen mochtere
De poortrye / om met minst verlies leuen zochtere
Es wouckerye ghegheuen die begheerlicke schoone
de Cooplieden met Loosheyt dieser an brochtere
creghen tromperye ofte bedroch in persoone
de ouderlynghen ghiericheyt noch spannende Croone
hebben doudste dochtre ghecreghen onReene
de aerbeyders al warenser niet iuist toe ydoone
creghen maegtschendynghe / groot ende cleene
ofte Sacrilege te Leene
de dienstboden als Fynder dan dander gheene
heeft hy onghetrauwe dienst gheiont voorwaer
ydel glorie / end OnCuuscheyt / alle man ghemeene

+ 311 r

+ Fol. 311 r, r. 3, 5, 6, 9, 10, 12, 13 (namen van zonden), 20, 21, 29, 30 ‘Duerluchteghe’ onderstreept.

[p. 280]

 

heeft dese keten loopen int wilde openbaer

15

noch daeghelicx Rengnerende hier en tdaer

 

van elck end een Begheerlick zynse bekent

 

talder onduecht gheneghen / dies voughen hem der naer

 

onder tveendel van Asmodeus Regiment

 

Die tot oncuussche begheerten veel mensschen verblendt /