Eduard de Dene. Testament rhetoricael

Andre meyliedeken
Voys Vpde buyssonnette

Des meys saeysoen heeft nv Virtuut
van tloof en Cruudt
vvaer huut dat spruut
groot menichte van blommekens Reyn
ghy amoureux oock nv ontsluut
dyn Reyn conduut
met Venus iuut
In tlustich liefuelick groene pleyn
daer mueght ghy nv verblyden certeyn
met dyn Loensch liefuelick wederpaer
vvant zou es tamoureuste greyn
bouen iuno of pallas eerbaer
daer en es gheen maer

[p. 268]

 

speilt zoo ick hu zey

25

Met dyn Liefueken inde coele mey

 

 

 

Tsmeys Iuecht verhueght elck lustich gheest

 

in tgroen forreest

 

want onbevreest

 

zynght de nachtegale stercken zanck

30

Tsmoorghens zeer vrough ter liefden keest

 

Minsaemheyt teest

 

minst ofte meest

 

zynght oock tliedeken naer hu liefs danck

 

de nachten zyn cort den dach es Lanck /

 

⁺ Bedryft iolyt huut liefden goet

 

met Armonye snaerspel gheclanck

 

pluct hu Liefste daer blommekens zoet

 

dynen Lust dan boet

5

en danst eennen Rey

 

Met dyn liefueken inde coele Mey

 

 

 

Tsmeys dau die nv ter tydt bespoeyt

 

Al tcruudt dat groeyt

 

en Lustich bloeydt

10

alsoo men wel ziet An elcken cant

 

den minnaer oock in Liefden vloeyt

 

die als dan gloeyt

 

hem niet vernoeyt

 

tzyne by zyn Liefste tryumphant

15

Amoureuslick gent ende playsant

 

als meyerlynghen zyn Bekent

 

margiolerende handt in dhandt

 

elck ander schynckende een present

 

van blommekens gent

20

en zyt dan niet Ley

 

Met dyn Liefueken inde Coele mey

 

 

 

Prinche eer hu den mey ontglydt

 

besicht dien tydt

 

vvant gheen Respyt

25

en zal hu noch my niet ghebueren

 

hu princesse zal zyn verblydt

 

en ghy hu quyt

 

twordt hu proffyt

 

zou en zalder niet omme trueren

30

al eist datse hu comt beCueren

 

met haer blomken amoureux fier

+ 304 v

[p. 269]

 

en wilt huer daer om niet zueren

 

bluscht fraeyelicke dan der minnen vier

 

int groen Roozier

35

weist oock niet te key

 

Met dyn liefueken Inde Coele mey /