Eduard de Dene. Testament rhetoricael

Liedeken naer de Nieuwe patoys
om zynghen met een sterck vpgheheuen voys

Weist clouck myn huutvercoren
die venus discipelen zyt
gheeft den moet niet verloren
vulbrynght des lusts apetyt /
⁺ ioncvraukens fraey gheboren
hebt gheenen zoorghe noch ducht
Commen ons nyders storen
wy zetten die vreckaerts voren
want zy iaeghen niet dan den bucht

Maer tsmoorghens vrough te wyne
naer dat god es ghegroet
vulcomt venus doctrine
dan tspreken ghaet tliefuerlynck zoet
zulck heeft veel ghelts in tscryne
daert zo menich Luchtzinnich verteert
elck schuwe tsvreckaerts lyne
al waerer een vulle dousyne
zen zyn niet eennen Rutere weert /

Als Vreckaert zit voor duere
den Ruter drynct bier en wyn
den vreckaert Biedtmen tzuere
den Ruter / dat blyde aenschijn
den Ruter es de Cuere
daer de vreckaert moet achter staen
met ghiereghen Labuere
ghecryght hy zyn Coorne in tschuere
daer de ghilden vp spelen ghaen

+ 272 v

[p. 211]

 

vreckaerts die Ruters schuwen

25

zy maecken zo lettel solaes

 

zy dryncken metten Puwen

 

hueren cost / es vinneghen Caes

 

tghelt zy in potten duwen

 

dan comt die doodt / diese haestelick velt

30

men laet corts of van Luwen

 

de weduwen met Ruters huwen

 

Aldus gheraecken de ghilden an ghelt

 

 

 

vvy en willen voort an niet spaeren

 

sprack tvrauken dat edel Iuweel

35

zou haelde deyers by Paeren

 

en maecte den Ruter Candeel

 

⁺ god wil den vreckaert bewaeren

 

zelden wrocht hy naer myn ghevough

 

speilt ghy wel vpde snaeren

 

Laet wercken en zoorghen vaeren

5

ick hebbe ghelt ende goeds ghenough

 

 

 

wilt Ruistich hu gheneeren

 

en goet fraey ghezelschap hanthiert

 

wilt vloucken noch oock zweeren

 

in tbeste wynt ende Biert

10

vvilt stout alomme theeren

 

den borst smeert / end en doet gheen quaet

 

Cunt ghyt van my begheeren

 

ick zal de ghelaegskens weeren

 

vvant zyt myn troost en toeverlaet

 

 

15

Die dit eerst zijnghen wilde

 

dat was een huepsch vrauken fyn

 

met Ruters zou gheerne Bilde

 

elck vreckaert deed huer ghepyn

 

van herten was zou milde

20

vvant zou haddet zeer wel in dhandt

 

een gulden huer weynich schilde

 

zou schoyde metter ghilde

 

En vercochte Landt ende Zandt /

+ 273 r