Eduard de Dene. Testament rhetoricael

Een ander liet
huut Rapiamus bondeken
om der mede ziet
danssen een Rondeken.

Een Nieu huepssche ghehuwede vrauwe
van eennen Rycquaert zeer bemint
gheerne wouf hy vp haer ghetauwe
dicwils wasser oock toe ghezint

Omme tsaemen Marioleren
ghijnghen wandelen huter ste
end om tbancket daer fraey stofferen
droughen den wyn met flasschen me

Zelueren Croesen ende schaelen
waerer oock ghebruneirt wit
elck zochter venus cheyns betaelen
in Liefden waeren zy bee verhit /

[p. 205]

 

⁺ Zy Reysden ter ghestelder hueren

 

van spyse voorzien zonder bezwaer

 

maer twee ghezellen van Avonthueren

 

die volghdense van verre naer

 

 

5

Omme dien Rycquaert minnen leeren

 

end huutRechten die vrauwe Lack

 

duvels hoofden en duvels Cleeren

 

droughen zy me in eennen zack

 

 

 

Zy laeghen ghedoken achter een haeghe

10

Te wylent dat Rycquaert besich was

 

daer Rees vp een dondervlaeghe

 

en tblexemde zeere vp dat pas

 

 

 

Ieghens tempeest Luden de clocken

 

dus hebben dees twee ghezellen zaen

15

haer duvels hoofden Anghetrocken

 

haer duvels cleeren oock anghedaen

 

 

 

Daer dander twee laeghen dees ghezellen

 

de bruloft ghynghen bestoormen zy

 

duer dicke duer dinne met hueren bellen

20

Rommelden totser quamen by

 

 

 

Rycquaert hadde groote vaere

 

duer dit duvelssche gheluudt

 

zy liettent daer al Teenegaere

 

en schoyde wech met zyn zoete bruudt

 

 

25

Tvvas der ghezellen begheeren

 

datse naemen zoo den vlucht

 

zy ghynghen dryncken en vroylick smeeren

 

zy vonder den haeszack metten bucht

 

 

 

Rycquaerts keerle croesen en flasschen

30

eer zy mochten zyn bekent

 

eer mense mochte daer verRasschen

 

staeckent In hueren zack al gent

 

 

 

Anderssins ghijnghen zy hem vercleeden

 

dander bleuen int Loopen moe

35

met pack ende zack onder hem beeden

 

Schoyden zy naer taveerne toe /

 

 

+ 269 v

[p. 206]

 

⁺ De vveerdinne was goederhande

 

zo was hy oock Ian goede weerdt

 

Rycquaerts keerle bleeffer te pande

 

voor zes guldens daer vertheert

 

 

5

Waer zy met tzeluerwerck bevoeren

 

en Rycquaerts tassche bezeluert wyt

 

zullen wy hier naermaels Roeren

 

ende vulzynghen / een ander tydt

 

 

 

Oorlof elck amoureuse ghilde

10

die venus wercxken meest behaeght

 

als ghy wandelen ghaet int wilde

 

Secretelicke te neste draeght /

+ 270 r