Eduard de Dene. Testament rhetoricael

⁺ Den Oude vrauvven

Alle oude matroonen / ende oude vrauwen
zullen betamelick in cleedynghen wesen
onderdanich / tot veel wyns / zalmense niet schauwen
alle goet onderwysende / ter goeder trauwen
gheen quaet van andren sprekende / tes mespresen
vvyselick den Ionghen vrauwen naer desen
Onderwysen / huer mans thebbene Lief voorwaer
oock tot huer kyndren / tzyne met Liefden gheResen
wys te zyne / zuver / Thuus bewaerende Eerbaer
goet / onderdaenich / tot haer lieder mans der naer
vp dat het woord gods niet en zy gheblameirt
Paulus stelt desen Reghel aldus zeer claer
duer den wille des heeren zoo^* gheordonneirt
Oude vrauwen testamentelick dit accepteirt /

+ 256 r

* Vóór ‘zoo’ ‘d’ doorgestreept.