Eduard de Dene. Testament rhetoricael

Refereyn

Vrau stranghe Als baliuiinne van prochien drie
die heeft voortgheRoupen huer liefste manneken
Floen staessen Coppin ianssin ghenaemt / van Coxie
maer van clein vps weghe scheltmen hanneken
hoort / sprack zou / eer ghy ghaet om een Canneken
myn gheboden tonderhouden / moet hu ghebueren
Eerst moet ghy claer / ghelyck een Olypanneken
telcken alst my goet dynct Myn cueckene schueren
zomtydts tbouczack voor my draeghen een Coppel hueren
pruetsch als een pronckcauken achter der straeten
dit ghebied ick hu dus By myn nieuwe Cueren
gheerne sprack hy wyfueken / al zoud ict bezueren
Dat ghy my ghebiedt lief / en zal ick niet laeten

I Tem noch moet ghy wasschen ende water Pitten
end haspen / als ghy hebt ghewrocht moe en mat
oft ic zal ie Rasch in hu PaRuucke zitten
en verluchten die Rechts vanden plumen wat
als ghy niet en wint / zult ghy maer eten alf zat
als ghy wel hebt ghewonnen / tghelt moet ie my gheuen
ende vyndt ghy dan om poyen hu buerseken plat /
⁺⁺ een placxken cryghtie zoo mueght ghy ieghens my leuen
en ghy moet / eer ghy vp myn ghetauwe mueght weuen
my cussen driewaerf / achter eens / tmynder baeten
dus ziet voor hu / laet niet tghebod voorscreuen
neen ick sprack den floen / om nichten noch om neven
Dat ghy my ghebiedt Lief / En zal ick niet Laeten

I Tem noch moet ie ick ghebiedt als vrau stranghe
altoos alst my lust / oock slaepen met my ghaen
ghy tyelick vpstaen / maer ick wel slaepen langhe
vvant thuuswerck dat moet wesen by hu ghedaen
steen ick zieck Loopen Rasch om den capellaen
dat hy my commen doen wil zyn onderstandt
gheuen dat myn hertien wil / naer myn vermaen
verspaeret / en ghedoet ghy metten Rugghen cant
tot myn oomkens beleendt vry hu laetste pandt

+ 255 r

+ Fol. 255 r, r. 33 ‘Dat... niet’ onderstreept.

[p. 179]

 

dat ick wynken mach dryncken huut Rynssche vaeten

 

oft doet ghyt niet ick geef hu de nuerse in dhandt

 

och iae ick lief zey floen / ghewillich gheerne / want

 

Dat ghy my ghebiedt lief / en zal ick niet laeten

 

 

20

Prinche

 

 

 

Ende voorts noch manneken voor tlaetste artycle

 

zal ick mueghen ghaen wandlen waer dat ick wille

 

thuus moet ghy dan bewaeren van allen Perycle

 

zoo dat ie niet een voetien tardt ouer de zille

25

passeert hu tydt / an een ontheyterde ghaerne spille

 

onthoud wel wat ick hu te doene Beual

 

com ick late thuus / spreict schoone Los buten gheschille

 

oft ick maecke van hu bolleken een Caetsebal

 

al vough ick my dat ghy staet int ghetal

30

vanden hoornebeesten / ofte hooghduudsche staeten

 

weist verduldich in hu Lyden / Wel lief ick zal

 

stelt hu zinnekens gheRust ick belouet hu Al

 

Dat ghy my ghebied lief / en zal ick niet laeten