Eduard de Dene. Testament rhetoricael

.1. Corinth .7.

De ghuene die zyn dochter huwet wel doet
maer doet beter / de ghuene diese huwet niet
die^** niet ghehuwt es / heeft zoorghe der dynghen goet
die van onsen heere zyn / omme die beliefuen vroed
ende van die ghehuwet es / word anderssins gheschiet /
⁺⁺ heeft zoorghe vanden dynghen deser weerelt ziet
De man / hoe hy zyn huusvrauwe / zal behaeghen
De vrauwe / zonder zonder voorder te peynsene yet
dan om hueren man behaeghen oock tallen daeghen
die tvleesch bemindt Can dheere god gheen liefde draghen

Man ende vvyf zyn met thuwelick ghebonden
Een maeght onghebonden / vry talder spatie
Man en wyf zyn onder de wet tallen stonden
maer / eenne maeght / die es onder de gratie

Een maeght /die haer Reynicheyt god vpgheoffert heeft
en ghewyelt es / van alsdoe dan voort An
die Leeft ghetrauwet zo langhe zou Leeft
end es ghetrauwet van een onsteruelicken man
Eist zaecke nv dat zou daer naer dan
vvil trauwen naer de wet des huwelicx zede
zo doet zou ouerspel / ende niet ontghaen Can
zou en word / een dienstmaeght des doods der mede

** Vóór ‘die’ ‘die ghuene’ geschrapt.

+ 249 v

+ Fol. 249 v, r. 23 ‘Ephigenia’ onderstreept.