Eduard de Dene. Testament rhetoricael

[p. 138]

⁺⁺ Onghenadeghe ghiereghe

Ghy gheltgaerders in couffers kisten thunnen
wilt de schamel mede te deelene iunnen
zyt zo nystich spaerich niet / als menich gheck
diet naermaels zullen deelen / zullent verzunnen
en zo langhe tgheduert voeden Leckerenbeck
Ghy slacht den mol
vvroetende inne der eerden hol
ende nochtans eerde vreest thebbene ghebreck /

Een voorbevvys gheef ick hu / vvant wie ghy zyt
tschamel poeupel Twelcke inedie Lydt
en de Rycke hemlieden niet zyn fauorable
omme bystandt te doene / in Tyds^* tzijnder^** tydt
de alsulcke Rycke zyn inExorable

Laet bermherticheyt hu met Liefden omRynghen
end hu wilt van ouerghiericheyt Bedwynghen
Dat bid ick hu by desen Testamentelick
hulieden gheuende / om tot kennesse brynghen
Eer hu de doodt Rasschelick comt besprynghen
Tnaeruolghende Refereyn ionstich presentelick /

+ 230 v

+ Fol. 230 v, r. 21, 22 onderstreept.

* ‘Tyds’: ‘s’ over ‘t’.

** ‘tzijnder’ verbeterd uit ‘zonder’.