Eduard de Dene. Testament rhetoricael

Aucteur

Conyngh achab/ hadde voormaels een wynghaerd
neffens naboths wynghaerd / die hy gheerne ghepaert
hadde An^* zyn erfue / zoo hyt ghierich ordonneirde
de quade felle iesabel / naer zulcker vrauwen Aerdt
om hueren man gheliefuen / daer toe Conspireirde
valsschen Raedt consenteirde
Naboth teeghmen tverwoedt an Men hem persequeirde
Listich creegh Achab / Naboths wynghaerdt goet
iesabel schandeleuslick der weerelt passeerde
zou brack den hals / en dhonden lecten haer bloedt
// Doch mensschen draeght elck andren liefIonsteghen moedt
zouct niet te zeere Erfue an erfue te palene
zoo ghy wildet / dat men hu daede doet
Liefde thuwen naesten voedt //
hem niet gheveynsdelick groet
Nyemandt hoe hooghghezeten keert wel te dalene
doch veel palaeysen te houen te zalene
end hier Rycdom vercryghen zyn verghanclicke zaecken
als ons de doodt comt an te stralene
omme der natueren schult te betalene
in een wuenste moet wy dalen / der naer zonder slaecken
daer onse nuerse den veurst zal gheraecken

* ‘An’: ‘A’ over ‘a’.