Eduard de Dene. Testament rhetoricael
(1976-1980)–Eduard de Dene–
Auteursrechtelijk beschermdZot Refereyn
Een Clapmond vvys / een nuerswys / nv onlancx leden
vander spanhaere zynde / wel eens ghesneden
ouerdeken vanden queeckers / en Clappaerts bekent
10[regelnummer]
vpden brugschen clapbanck / Tzittene ghebeden
daer oud en Ionghe clappaerts hem quamen omtrent
Twas wonder wat hy doe slouch huut zyn bollement
end al wast hem verboden / vpde boete zwaer
| |
[pagina 87]
| |
hy clapte mondwyselick / ia zeyde twas gheprent
15[regelnummer]
dat de meeste bouuen / zyn meest gheEert voorwaer
ende met dat het zomtyds word scrickel iaer
verzworen maendach zal dan vp een dysendagh sprynghen
kaerleken zatter by / en zey tot een oud vaer /
Een Clappaert Can quaelick zyn tonghe bedwynghen! /
20[regelnummer]
Veel oude patroontiens nieu vander oude wet
hoorden desen clappaert Clapspelen vp trompet
van zyn tongheblat Clynckende als een Belle
en zeyde / dat hy (om naer hem te hoorene Bet)
in zyn tydt hadde Ledich weten staende de .L.
25[regelnummer]
Ia zey kaerleken / dat Riect naer tloock ghezelle
Cooctter mussels me / Sprack hy ten onghelycke
hoort voort Twee wyfs hoordent oock daer ten Relle
ick heb eens sprack hy / gheslaepen in hemelRycke
hoort an sprack kaerleken / ia wel wat Practycke
30[regelnummer]
een clappaert en heilt niet / al weet hy wonder dynghen
hoe? / al zoudmen duersteken met een LuuckscheGa naar voetnoot* pycke
Een clappaert Can quaelick zyn tonghe bedwynghen /
doe quammer ouer dweers / een Clapcauwe ghevloghen
stampende smoorende die Claptter wondere
deen zey dat hy onder den bercken busch gheboghen
5[regelnummer]
wat Laps hadde creghen tzynen hemde ondere
had ghys zoGa naar voetnoot* veel sprack hy / waert te ghezondere
doe heeft desen eerst mondwys clappaert Recht vpghestaen
en sprack stoutlick als dan dander goet Rondere
kir daer den thuun neirst es / zietmen meest ouerghaen
10[regelnummer]
och hoe vele esser sprack hy die onder tdeckspaen
van ghelaghnoot tzyne zommich volck ouerbrynghen
ia sprack een vanden watre / ghequelt zynde zaen
Een Clappaert Can quaelick zyn tonghe bedwynghen
Prinche
15[regelnummer]
Een besnotte ionghMelckmule zeyde tes gheck
diet een Letsken Redenlick had inden Beck
die wildhem daer onder de Clappaerts moeyen
en zeyde dat zulck mondwys hadde groot ghebreck
vanden key / int plecxken daer men slaet de Coeyen
20[regelnummer]
kir zey een oudt baersken / zwyght tot ghy mueght schoeyen
huut tbreydelstraetken daer men de kynderschoen maect
myn Ionghen schoyde ende ghijngh ouer hende groeyen
| |
[pagina 88]
| |
den clapbanck ydelder / en tclappen wierd ghestaect
daer wierd een gheheynsselt ghebrocht / die hadde gheCaect
25[regelnummer]
zey een clappaert veel buersen met langhe strynghen
de Cretser hoordet / Tfy zey hy die dat spraect
Een Clappaert Can quaelick zyn tonghe bedwynghen
|
|