Eduard de Dene. Testament rhetoricael

[p. 23]

⁺ Refereyn

ALder mensschen zielen / ter weerelt ouerleden
totten daeghe van heden
heere wilt die doch deeuweghe Ruste gheuen
en dat eeuweghe Licht / thuerlieder vreden
huut donckere steden
hemlieden mach beschynen int eeuvvich leuen
zoo wy hopen ghy doet / want daer staet ghescreuen
dat hoe wel wy al in adam steruende verghaen
ter contrarien duer Christum / ons verlosser bleuen
wy tsaemen wederomme al leuen ontfaen
Christus es myn leuen / doet paulus vermaen
ende steruen ghewin huut dit dal van weene
ten Rechterstoele christi moeten wy al staen
wy die in zyn bloedt zyn ghewasschen Reene
ende die dit mesachten van weerden Cleene
zullen metten onzaleghen gods Rycke derfuen
stryd een goe stryd des gheloofs / want in tghemeene
Zalich zyn die dooden / die inden heere steruen

Ghedynct dyn huuterste in al huwe wercken
wilt steruen Anmercken
ende zult inder eeuvvicheyt zondighen niet
want vele vanden ghuenen crancke metten stercken
in deerdsche percken
die daer slaepen in tstof der eerden ziet
die zullen wacker worden / alst den heere ghebiedt
die zommeghe tot eeuwich Leuen voorwaer
ende zommich tot beschaemtheyt end eeuwich verdriet
maer de ghuene die zullen gheleert zyn daer
zullen blyncken als tfirmaments claerheyt claer
huer zaet end huer eere zal niet worden verlaeten
huer Lichaemen / zyn in vreden begrauen der naer
gods ghenaede en bermherticheyt bouen maeten
es tot zynen helighen / thuerlieder baeten
⁺ zyn anschauwen zullen zyn huutvercoorne verweruen
de doo Rechtueerdich / verdomt donRechtueerdeghe staten
Zalich zyn die dooden / die inden heere steruen

Want zy en zullen voort an te gheenen tyden
hongher noch durst Lyden
noch de zonne vp hemlieden niet nederghaen zal
vvant tonbevlecte Lammeken thuerlieder bevryden
zal in eeuwich verblyden
hemlieden Regieren inder zalighen ghetal

+ 160 v

+ 161 r

[p. 24]

10

en tot die Leuende fonteyne daer leeden al

 

ende god zal ofwasschen haer tranen gheheel

 

van haerlieder ooghen / als in tdoncker dal

 

druck en gheween word der onzaleghen deel

 

de Rechtueerdeghe zullen leuen int eeuvvich parcheel

15

huer loon es by den heere / end huer ghedochte Reyn

 

es byden alder vppersten tschoonste iuweel

 

hier om zullen zy tRycke der schoonheden pleyn

 

en die croone der hopen voorwaer Certeyn

 

cryghen vander handt des heeren in erfuen

20

onzaelich al die steruen inder zonden treyn

 

Zalich zyn die dooden die inden heere steruen

 

 

 

Prinche

 

 

 

Ick zal haer weenynghen zeght dheere / in blyschap verkeeren

 

vertroosten en verblyden van hueren Rauwe

25

god es een Rechtueerdich Rechter / sterck in zyn vermeeren

 

ende Lydzaem ons god / die ons wilde Leeren

 

vp dat elck menssche Leuendich vp hem betrauwe

 

dus sterft inden heere / Tzy man of vrauwe

 

hu Rekenynghe / wilt effen voor hem ofkerfuen

30

zouct hem ghy zult leuen / want in deerdsche landauwe

 

Zaelich zyn die dooden / die inden heere steruen /