Eduard de Dene. Testament rhetoricael

Aucteur

Van ioncx gheweist myn handghezelle

in meneghe goede ghenouchte en vruecht

Dus was hij ghecloncken metter Belle

Alomme bemindt om zyne duecht

Tsaemen hebbende / dicwils ghetueght

hy met my / ende ick met hem

O heere god diet al vermueght

Alst hu belieft / ick zyn naervolgher bem /

⁺⁺ Desen meester steuin vanden gheenste voornoomt

als goede handghezellen in tyden voorleden

hebben tlyf / dicwils tsamen ghesterct ghevroomt

naer Cereuisialis cueren en zeden

God wil zynder ziele eeuwich bevreden

hy voortyds myns ghedachtich in zyn oratorie

dienende van Reciproque ionstelicheden

ion ick hem dit Epitaphium / teender memorie

+ 156 r

+ Fol. 156 r, r. 10, 11 (eigennamen), 13 ‘document ... athenen’, 19 (eigennamen), 21 ‘Twee ... sporcle’, 22 ‘meester ... gheenste’, 23 ‘in ... vyfuenvichtich’, 30 ‘Enthimemaniste’, 31 ‘Rhetorica discipel’ onderstreept met grijzere inkt.