Eduard de Dene. Testament rhetoricael

[p. 277]

Liedeken
Vpden Voys
Tes goeyken van cleender baeten
ken hadder myn daghen noyndt vrauken zo lief
ick en hadse mueghen Laeten /

O Heere god Almachtich
hemelsch vader ghebenedydt
sterct myn ghelooue crachtich
staet my by in tsdoods strydt
vvant die my zondich gheheel belydt
// wil gheerne Laeten tleuen
al hebbens de pharizeen groot spyt
Willet hemlyen vergheuen /

⁺ Hu Heere god Alleene
heb ick ghezondicht zvvaer
myn verdiensten zyn cleene
bevlect onduechdlic onclaer
// in zonden bem ick ontfanghen voorwaer
heere god goederthiere
ick bem een dorre boom onvruchtbaer
Lost my van dhelsschen viere

Veel grypwulfueghe caecken
nv myne veruolghers zyn
om barnen end om blaecken
bloedsturtters vp elck termyn
zupers der babylonssche wyn
hebben tzvveerd vpgheheuen
Al stroyen zy huerlieder venyn
Willet hemlyen vergheuen

Zy hebben my verboden
Te lesene gods woordt
als ick volgdhuer^* Afgoden
doe ghynct wel met my^** voort
// Nu zynse nydich vp my ghestoort
in deerdsche snoo duwiere
hoe zy my leeden ghebonden gheCoordt
Lost my van dhelsschen viere

Tfy Weerelt vul van zonden
hoe hebt ghy bedroghen my
ghecreghen veel doodwonden

+ 149 v

* ‘y’ doorgehaald.

** ‘woo’ doorgehaald.

[p. 278]

 

heb ick om de wille van dy

 

niet langher wil ick hu blyfuen by

30

die noch daer inne sneuen

 

doch heere god / ghenaedich ghy

 

vvillet hemlyen vergheuen

 

 

 

Weerelt Als ick hu laete /

 

Scheed ick van een schoon niet

35

maer volght my Charitate

 

zo eist my wel gheschiet

 

Tsweerelts vruecht als schaeuwe vliedt /

 

⁺ onder des doods baniere

 

die kenne my als brooschzondich Riet

 

Lost my van dhelsschen viere

 

 

 

Veel huutwendeghe wercken

5

zo heb ick meest ghedaen

 

zullen my die verstercken

 

ick dyncke wel neenze waen

 

Tot christum alleene wil ick ghaen

 

met een herte cleen ghewreuen

10

Al die perrtyelick ieghens my staen

 

vvillet hemlyen vergheuen

 

 

 

De babylonsche beeste

 

hadde my gheern Ingheslict

 

met gheveynsden tempeeste

15

omRynghende my verdict

 

om huer tanbeden tmywaerts gheknict

 

maer ontzach die maniere

 

doch heere god my te Rechte schict

 

Lost my van dhelsschen viere

 

 

20

Heere god in drie persoonen

 

doet met my alsoo ghy wilt

 

ghy die ons wildet Croonen

 

met huwer goe wille schilt

 

// gheerne drynck ick den bitteren kilt

25

totter doodt toe ghebleuen

 

die my gheern hadden ghevleghen ghevilt

 

vvillet hemlyen vergheuen

 

 

 

Vp hu es al myn weynsschen

 

heer god wien myn ziele betraut

+ 150 r

[p. 279]

30

inzettynghen van meynsschen

 

zyn gheel in my verflaut

 

Myn zondich leuen my beraut

 

ghevveist zo mispelschiere

 

heere met gracien my bedaut

35

Lost my van dhelsschen viere

 

 

 

Myn god ick thuwaerts keere

 

haelt my huut tsweerelts forreest

 

⁺ in huwen handen heere

 

Beueelick nv mynen gheest

 

Myn zalicheyt zyt ghy alder meest

 

zoud ick voor zweerd vier beuen

5

Neen ick / dies bid ick noch die hu vreest

 

Myn zonden wilt vergheuen

 

 

 

Princhelick god drievuldich

 

al wat ghy wilt ghy doet

 

Bermhertich menichfuldich

10

men eeuvvich hu kennen moet

 

Ghezuvert zyn wy in hu heet bloedt

 

ghebrocht huuten dangiere

 

duer tsturtten van huwer bloedeghe vloedt

 

Lost my van dhelsschen viere

+ 150 v