Eduard de Dene. Testament rhetoricael

⁺ Aucteur

Ionghe gheestkens moeten zomtyts den zin verscherpen

naer wysheyt verblyden met een zotternie

dies wil ick myn zuentken een Liedeken toewerpen

om zomtyts te zynghene maer zonder partie

Twelck ic wel wilde / dat meest gheschie

principalick tsnavents alst vriest inde wynttere

alsmer ghaet om keerssen of corte meersserie

in huus niet alomme van als men vyndttere

Altemets duer de wolcken de mane schynttere

een Liedeken clynct dan zoo wel achter straeten

menich goet theerknecht / gheweest een Pynttere

thuus commende macher oock vruecht huut vaeten

+ 141 v