Eduard de Dene. Testament rhetoricael

Clercken vanden voornoomden ghilden

Dese clercken gheef ick zes din platteelen
ken weet naulick Waer zy noch te pande staen
Connen zyse achterhaelen / tzyn zeer schoon Iuweelen^*
Rhetoryck ghewon percheelen
gheef ick / dat zyse tsamen ghelyck mueghen deelen
daer in begrepen / den dienst van elcx capellaen
Tsdaeghs als zy de zielmessen hebben ghedaen
niet eer mueghense ontfaen
anders waert mesdaen
Ende ghiericheyt mochtse inde boete beslaen

Al het offerwas datter ouer zal schieten

Bid ick datse daeromme doch niet en kyfuen

Want ick ordonnere al zou twisselwas verdrieten

datmer vyndt zal moeten ter plaetsen blyfuen /

* ‘Iu’ interlineair toegevoegd.