Eduard de Dene. Testament rhetoricael

⁺ Van Tcaeckebeen

In tyden voorleden / Gheen twyntich duust iaeren
Als de brutale dieren in tweedracht waeren
naer Cineas verclaeren.
als dalder stercxste van memorien befaemt
Tusschen brugghe en damme / met Ruesachteghe schaeren
zyn daer een Cudde / groot en cleene Ruesen verzaemt
Briareus was huerlieder Capiteyn ghenaemt
hebbende vichtich hoofden ende hondert handen
een gheweldich schietspel / wasser beRoupen ongheblaemt
van gyganteghe Ruesen / huut wilde waranden
Neptunus quammer vp een walvisch huut zyn waterlanden
met zyn gheschot / Quammer ieghens hercules Coene
den walvisch wierd duerschoten daer tzynder schanden
mids den bystandt van Apollo te dien saeysoene
daer nv tcaeckenbeen staet hiltmer victorieuse Noene
groot wasse van doene // dese walvisch fier
grof lanck wydt buter maeten
End in teecken van dien heeft Neptunus hier

// dit cakenbeen ghelaeten

Zoroastes nygromanchienich Int caboel
vpder speypoorte brugghe Scictte deenen doel
ouer twater coel
daer men tdesen tyden ondervaert duer de Reye

+ 118 r

[p. 226]

25

en den ander doel stondt sterckvast in tghevoel

 

daer de brugghe nv staet voor de damsche speye

 

Momchus de Centaure / quam duer de ghendsche Leye

 

als willende hem oock ten schietspele Quyten

 

duer twater ghestept hem behoufde schip noch seye

30

Boomen schoot hy voor schichten ieghens de Lapythen

 

Polyphemus die waender oock int hoopken smyten

 

maer Apollo hem als constichste schotter duerschoot

 

Bryareus der Ruesen capiteyn wilde splyten

 

dat zyn vader tytan was gheschoten stercke doodt

35

Typhon zyn broeder quam daer oock inden noodt

 

groot grootter dan groot // die met zeuen steppen schier

 

steptte over zeuen straeten

 

End in teecken van dien heeft Neptunus hier

 

dit Cakenbeen ghelaeten /

 

 

 

⁺⁺ Neptunus zwemmende vp zyn Walvisch ghereden

 

mids gladius marinus scherpvisschich van sneden

 

oock tzynder beden

 

Nerides de goddinnen der diepgrondeghe Marine

5

Sagittari zyn schotters / hem oock bystand deden

 

Tryton zyn zeetrompetter quammer oock ten fine

 

tzeewater duerRuusschende duer tempeesteghe bruwine

 

Eolus die haddere een ooghe int zeyl

 

al zyn waterheyr Cracht was huutghelaeten in schyne

10

Ieghens tRuesich gheschot / diet al schictten keyl deyl

 

hoe veel elck schieten zoude / elck wiste zynen peyl

 

Neptunus zat ghedoken achter tswalvischs necke

 

gheenssins mochtmhem gheraecken / maer den walvisch veyl

 

creegh meneghen schicht / in tlyf daer ter plecke

15

hercules die speelder huer de quaetste kecke

 

hy ghaf ze een lecke // zou wierp huut een ghetier

 

tot ze zvvalt tzynder baeten

 

End In teecken Van dien / heeft Neptunus hier

 

dit CaeckenBeen ghelaeten

 

 

20

De eenoogheghe Cyclopen als Iupiters Artisten

 

waeren dies tonvreden vul fulmineuse Twisten

 

met Vulcaniteghe Listen

 

inden bergh Aethna veel blexems Afgryselick

 

hebben zy ghesmeit / en zoo zy de wraecke wisten

25

wierpen die int hoopken van verre Lyselick

 

Brontes wien Vulcanus als dienlynck es spyselick

 

zyn donders huut te clateren / heeft hem ghemoeyt

 

By steropes oock tzynen dienste vpRyselick

 

vvaendet daer met zynen Blexems al hebben verbroeydt

30

Pyracmon / met zyn hanebilt vierich duergloeydt

+ 118 v

+ Fol. 118 v, r. 1, 2, 23, 26, 28, 30 (namen) onderstreept.

[p. 227]

 

vvaende zoo de stercxste commen te baeten daer

 

hydra waer huut serpentich ghespuugsels vloeydt

 

bleeffer oock duerschoten van hercules voorwaer

 

Neptunus capiteyn / der walvisschen verghaer

 

⁺⁺ Creegher oock gheen ghespaer // hoe hem tmeeste dier

 

dede bystandt bevaeten

 

End In teecken van dien / heeft Neptunus hier

 

dit CaeckenBeen ghelaeten

 

 

5

Eer dit gheweldich schietspel wierd vulhendt

 

Apollo stercke god der handboghen bekent

 

met Dyana gent

 

zynder zuster Als der Reynder handboghen goddinne

 

die waerer oock schotterlick met hercules omtrent

10

Ieghens Ruesen / walvisschen steldhem elck ten beghinne

 

Chyron hippocentaurus / hooghmoedich van zinne

 

Wiltmanierich drauende als alf man alf peerdt

 

hercules schoot hem tzijnen Lichame inne

 

een schicht inden voet totter dood toe ghedeert

15

Orion een ionckman wasser oock begheert

 

inde wapen tdesen schietspele quam tryumpheren

 

zyn Lief Dyana beschermdhy / die hem gheweert

 

veel Ruesen gheerne hadden / om der Reynste vyoleren

 

Avendtuerdhem daer schotterlick zonder Cesseren

20

om scorpio mineren // Wien hy broght int dangier

 

hoe hy mochte Tantgaeten

 

End in teecken van dien heeft Neptunus hier

 

dit Caeckenbeen ghelaeten

 

 

 

De schichten vloghen duusentich snel allevot

25

de Cyclopense gyganten / schoyden naer huer Rot

 

metter boghen gheschot

 

Apollo bleef victorieux / mids alcon van Creten

 

Nabuzardan prinslick cock / bereeder den pot

 

vp tcakenbeen tbancket / bereedt was om Eten

30

neghen musicale goddinnen zynder ghezeten

 

daer of melpomene / de tmelodieuselick zynghen

 

Copia heeft huer int Tafeldienen ghequeten

 

mids Ceres diese met huer me wilde brynghen

 

flora ter eeren van veel nieu schotter ionghelynghen

35

heeft de tafel met Rieckende blomkens bestroyt

 

Terpsichore / naer tbancket / deder vroylick sprynghen

+ 119 r

+ Fol. 119 r, r. 6, 7, 9, 11, 15, 28, 31-34, 36 (namen) onderstreept.

[p. 228]

 

⁺⁺ naer dat bachus beuel ghaf datmer hadde ghepoyt

 

discordia / wierdter by vesta huutgheghoyt

 

Neptunus bleef verschoyt // huut tschotters vergier

 

met al zyn zeestaeten

5

End in teecken Van dien heeft Neptunus hier

 

dit caeckenbeen ghelaeten

 

 

 

Princhelicke

 

 

 

Aerdchieren naer ghefingierde historie

 

in dit schietspel ghebuerde groote mortorie

10

victorieuse memorie

 

creghen Arethusa Neaera ghepresen

 

en Calysto die behaelder oock prys en glorie

 

schotterlicke dochters van Dyana mids desen

 

vvat zeemonstren ofte Ruesen ieghens hemlieden Resen

15

hebbense vvederstaen metter handboghen Treyn

 

zy en spaerden boghen pylen schichten noch Pesen

 

zy brochtense al tondere Clouckmoedelick Reyn

 

zonderlynghe Neptunus / god der zee / en Capiteyn

 

zyn walvisch daer hy vpReed / esser bleuen tondere

20

dies teender ghedynckenesse in dit handboghen pleyn

 

was tcaeckenBeen ghebrocht voor tmeeste wondere

 

zichtent dat hy der dat liet / bleef tonghezondere

 

ghy alle goet Rondere // die om dryncken wyn of bier

 

oyndt int cakenbeen zaeten

25

In teecken van dien / heeft Neptunus hier

 

dit caeckenbeen ghelaeten

+ 119 v

+ Fol. 119 v, r. 2, 11, 12 (namen) onderstreept.