Eduard de Dene. Testament rhetoricael

Ordonnantie

Hooftman Conyngh deken ende den ghemeenen Eedt
Tghezelschaps der edel oude Cruusboghe eerbaer
om voortstaene hier ter zale Discordia wreedt
end vp dat elck wie hy zy / hem te wachtene weet
van Leuen inciuil in tsghildebroeders verghaer
// hebben zy / met goede deliberatie voorwaer
tnaervolghende article / nieu ghestatueert / gheordonneert
hanthiert den boghe / ende viert Bachum der naer
maer wat ghy vseert
Altyds met Temperantia wel Accordeert
Zo vvie hier eenich drynckglas oft ander drynckvaeten
breken / schenden / of worpen zal Onmanierich
duer dronckenschap / hoe edel hy zy van staeten
hy zy gheestlick / weerlick / tzal hem niet baeten
al ghebuerdet de faict oock mispelschierich
⁺ die zal de weerde van dien / zoo gheweest hanthierich
dobbel moeten betaelen / eer huut hof hy zal ghaen
diet anders mesvalt / ongheluckich / niet dranckghierich
hem Regierich
die zal mids inckel weerde betaelende / ontstaen
Elck wacht hem mids desen ghestelden contracte
gheen ouertreder zal hebben gratie
maer moeten obedieren / huut cracht deser acte
te vergheefs hy om ander prouisie iacte
tsorteert effect hier zonder dissimulatie
Schuut murmuratie /

+ 117 r