Eduard de Dene. Testament rhetoricael

Refereyn / Mathei .21.

In dien tyden / doe als iesus naer zyn willende pas
Iherusalem / naeckende by was / int ghaen
ende hy tot Bethphage / ghecommen was
twelcke was een dorpken / daer by ghestaen
Totten bergh van oliueten // heeft doe ghezonden zaen
twee van zijnen discipulen / zegghende claer
// Ghaet in tcasteelken / naer myn vermaen
dat daer ieghens hulieden es openbaer
en ter stondt een Ezelinne / zo zult ghy daer
vynden ghebonden / end een voolken mede
ontbyndse ende Leedse / tot my der naer
ende of hu yemandt yet zeght tdier stede
iesus tspreken dede
zeght / dheere heeft dese van noode goet Rondt
en ter stondt zal hij huer laeten / dees vvetenthede
Gheel tonser Leerynghe / sprack Christus mondt

Vpdat^* zou worden vervult / es dit gheschiet
dat ghesproken es / duer den prophete vroedich
zegghende / zeght den dochters van syon ziet
huwe Conynck die comt met hu zachtmoedich^**
zittende vp een ezelinne / die heere Liefgloedich
en tionghe voolken mede / zoot hem heeft ghegreyt

* Tweede ‘dat’ doorgehaald.

** ‘oet’ doorgehaald; ‘zacht’ bovengeschreven.

[p. 222]

 

en die discipulen ghaende / ghewillich spoedich

 

hebben ghedaen zoo als iesus beuel heeft gheseyt /

 

⁺ en die ezelinne / daer hy naer hadde ghebeyt

 

en tIonghe voolken hebben zy gebrocht te zamen

 

en hebben huerlieder cleederen daer vp gheleydt

 

ende hem daer vp doen zitten / naer tbeste betamen

5

hy hooghst van namen

 

en veel schaeren des volcx hebben huut ionsteghen grondt

 

huer cleederen ghespreed / inden wech zoo zy quamen

 

Gheel tonser leerynghe sprack christus mondt

 

 

 

Ende dander tacken vanden boomen sneden

10

ende spreedense inne den wech tdier tydt

 

en de schaeren die voorghijnghen met dancbaerheden

 

ende naervolghden / Riepen zegghende verblydt

 

Osanna den zuene dauid ghebenedydt

 

es hy / die daer comt inden name des heeren

15

Osanna int alder hooghste / in themelssche iolyt

 

ende als hy hem wilde in iherusalem keeren

 

es alle de gheheele stadt int vermeeren

 

beroert gheweest / zegghende groot en cleene

 

Wie es dese? / en tvolck zey / zoot den gheest wilde leeren

20

dit es iesus Een prophete van Nasareene

 

in tghemeene

 

van nazareth galile / (Te caluaryen duerwondt

 

al wat ons oyndt mensschen leerden in tdal van weene

 

Gheel tonser Leerynghe sprack Christus mondt

 

 

25

Prinche

 

 

 

Inden tempel gods es hij gheghaen naer desen

 

en wierp huut die coopers en vercoopers terstondt

 

en sprack / myn huus zal een huus van bedynghen vvesen

 

als een moordenaers speloncke / hebbet ghy mespresen

30

Gheel tonser Leerynghe / sprack christus mondt

+ 116 r