Eduard de Dene. Testament rhetoricael

Tvveede Liedeken
Vp den Voys Rycke van hauen // Vyndtmer vele

Wy tsamen Adams vveesen
hoe hoogh in eerdsche staeten
onslieden es / vvilt niet vreesen
gheboren / Tonser baeten
// Een zalichmaecker crachtich
voor onse schult de schat
gheboren es hij waerachtich
Christus / in dauids stadt /

Daer zal eenne Roede
huutghaen by Expresse
sprack Esayas de vroede
van die wortel iesse
End een blomme zal upclemmen
van huerer wortel zaen
daer doude vaders stemmen
of deden groot vermaen

Den heleghen gheest des heeren
zal Rusten op dees Blomme
int hof daer wy verkeeren
moet die zyn Wellecomme
den gheest der wetenthede
en des verstands gheel vry
den gheest des stercheyts mede
zalder vp Rusten by

Huut tRoedeken Buugsame
Teer gracelic ghepresen
dats huut marie Bequame
vvilde huutghaende vvesen
huut des vvortels natuere

[p. 213]

 

een blomme van Roken zoet

 

dats Christus menssche puere

 

van huer zuverste Bloedt /

 

 

 

⁺ Christus zoot baerblycke

 

ghewillich en manierich

 

es huut zyn hemelrycke

 

voortghecommen vierich

5

zoo tblomken in deerdsche plecke

 

Reyn huuter eerden spruut

 

Als brudegom zonder vlecke

 

Te zynder Cameren huut

 

 

 

Christus Es de schoone

10

Blomme alder duechden

 

der Inghelen Crans en Croone

 

gheen blomme zoo vul Iuechden

 

van hem wildhy verhaelen

 

Soo salomon vertelt

15

Een Lelye inden daelen

 

Bem Ick / en blomme int velt

 

 

 

Een blomme vul van paeyse

 

vul Liefuelicker Roken

 

ten hemelsschen Palaeyse

20

voor onslieden ontloken

 

vviens Roke tallen fine

 

god den vadre heeft behaeght

 

als beste Medechine

 

Die zyn gramschap verIaeght

 

 

25

Dees blomme Die wy nomen

 

Christus tallen stonden

 

de Roke heeft Benomen

 

den stanck ons alder zonden

 

Als die vulgroeyt algadre

30

en Rype was voorwaer

 

gheoffert zynen vadre

 

up der Crucen outaer

 

 

 

Christus blomme vul weerden

 

Tsvaders groot verlanghen

35

die bloeyde inder Eerden

 

als hy was ontfanghen

 

van zyne moeder blyde

+ 111 r

[p. 214]

 

om vpqueecken ghepooght

 

Te zijns gheboortens tyde

40

heeft huer vulmaect ghetooght /

 

 

 

⁺ End als hij wilde steruen

 

Int mensschelick beghorden

 

als blomme tonser Erfuen

 

es dorre / dan gheworden

5

maer iuechdich in zyn verRysen

 

heeft die wederghebloeyt

 

die blomme christi prysen

 

meest hu oetmoedich moeyt

 

 

 

Alle kerstene Lieden

10

tqua Cruudt tallen Cantten

 

wilt huut dyn houeken wieden

 

en daer dees blomme plantten

 

vvant ten eerdschen bedelue

 

vvat blomme daer Logiert

15

dees blomme Christus zelue

 

Gheel tkersten hof verchiert /

+ 111 v