Eduard de Dene. Testament rhetoricael

⁺ Liedeken
Vpden Voys
Myn zoete liefueken / heeft my begheuen
Een anders boelken / es zou voorwaer

O god anhoort myn zuchten en myn Caermen
Alle myn ghebeentten zyn onghezondt
duer huwen name wilt my ontfaermen
vvant totter doodt toe bem ick duerwondt
Scept een Reyn herte in mynen grondt
stelt een bewaerynghe mynder mondt
dat ick myn ziele / en doe gheen schaeden
om brynghen inne der hellen gloedt
O heere god / verlost ons vanden quaeden
vvant hu bermherticheyt / es eeuvvich goet

+ 105 r

[p. 203]

15

Heere god mynder zaelicheyts heere

 

Ick bem ghelyck een man zonder hulpe bekent

 

vvilt dat ick huwe Rechten leere

 

en myn ooghen van ydelheden wendt

 

heere laet hu goetheyt my commen omtrent

20

ende my dyn helighen gheest inzendt

 

eer my den vyandt en tvleesch verRaeden

 

dat icker Ieghens zy clouck ghemoet // O heere god /

 

 

 

Heere tooght ons huwe groote goethede

 

end gheeft ons huwe zaelicheyt

25

neemt wech dyns volcx mesdadichede

 

en bedect haerlieder zonden zwaricheyt

 

gheeft huwen knecht huwe sterckicheyt

 

duer huwe groote Bermherticheyt

 

Leert my bewandelen huwe paeden

30

een teecken an my doch ten besten doet // O heere god /

 

 

 

Die princhen veruolghen my zonder zaecke

 

meer mynder vervolghers / zeer vele zyn

 

heere verlost my daer ick naer haecke

 

vanden mensschen onRecht my doende ghepyn

35

zy commen onder een duechdelick schyn

 

Looselick schietende huer venyn

 

⁺ gheerne zouden zy my verlaeden

 

en my van hu worpen / gheel onder de voet // O heere god.

 

 

 

Alle heydenen heere god Eersame

 

Die ghy ghemaect hebt / huut liefden wel

5

zullen tot hu commen / om eeren huwen name

 

vvant ghy zo groot zyt ghenaedich snel

 

die wonder doet duer hu woords beuel

 

die alleene god zyt / en nyemandt el

 

vergheeft ons / Onse groote mesdaeden

10

duer tmildelick huutsturten van christus bloedt // O heere /

 

 

 

Heere weert Tweedracht huut allen Landen

 

ende paeys in onse daeghen gheeft

 

der Conynghen herten / zyn in hu handen

 

hemel ende eerde / oock voor hu beeft

15

Bekeert den zondaere die noch sneeft

 

schict dat hy naer huwe wille Leeft

 

met huwer Rechter handt staet hem in staeden

 

dat hy thuwaerts keere met Liefden vroet // O heere god /

 

 

 

Heere Iesu christe van Nasareene

+ 105 v

[p. 204]

20

vvilt my dyn handwerck by hu ontfaen

 

ick kenne / hu heb ick ghezondicht Alleene

 

en voor huwen ooghen veel quaets ghedaen

 

heere tot wien zoud ick anders ghaen

 

dan thuwaerts vaste / betrauwende zaen

25

die gheenen zondaere wilt versmaeden

 

maer keert hy thuwaerts / zyn lyden verzoet // O heere /

 

 

 

Princhelick god Almachtich god der goden

 

Alle dat zondich es / van my weert

 

dat ick onderhoude dyn liefue gheboden

30

sterct my daer Inne / want ick begheert

 

keert van my doch dyn Rechtueerdich zweerd

 

daer ghy de goddeloose mede deert

 

ende ontfanght my in huwe ghenaeden

 

bouen al hu wercken een vloeyende vloedt // O heere /

 

 

35

Glorie moet god den vadere wesen

 

en zyn zuene Christus ghebenedydt

 

dhelighen gheest oock / Persoonen drie ghepresen

 

maer eennen god almachtich teeuwegher Tydt /

 

⁺ Eeuwich int hemelssche eeuvvich iolyt

 

Rengnerende die hemel end eerde verblydt

 

wiens Rycke blyft eeuvvich zonder verspaeden

 

bermherticheyt ouer den zondaers doet

5

O heere god verlost ons vanden Quaeden

 

vvant hu Bermherticheyt es eeuvvich goet

+ 106 r