Eduard de Dene. Testament rhetoricael

Leysse
Vpden Voys
Daer liepen lancx de Canten
Buffels end Elephanten /

[p. 138]

 

⁺ Nu als vulheyt des tyds / ghecommen es beseuen

 

zo heeft god hier int leuen

 

huut ghezonden zyn zuene

 

ende ghemaect ghegheuen

5

huut een vrauwe verheuen

 

de wet tonderghedreuen

 

vp dat hy al de ghuene

 

zynde onder de wet

 

verlossen zoude net

10

ende wy onbesmet

 

vercryghen zouden Bet

 

TRecht vanden kyndren tsaemen

 

tzyne meErfghenaemen

 

belooft zoo tonser vraemen

15

duer de propheten god / zoo ghyt voormaels spraect

 

 

 

Danct christum Tallen tyden⁺

 

die voor ons wilde lyden

 

end om eeuvvich verblyden

 

Die zonder ons verdienste / ons zaelich heeft ghemaect /

 

 

20

Een die eerst zonder moeder / in dhemel nam beghinnen

 

es nv ter weerelt binnen

 

zonder vadre gheboren

 

dwelck dhemels niet verzinnen

 

mochten ter hoogher thinnen

25

begrypen noch gheWinnen

 

begreept ghy maeght vercoren

 

vvant maria schoon greyn

 

vruchtbarich baersdet Reyn

 

god en menssche certeyn

30

dies nv int eerdsche pleyn

 

end in dhemelsche stede

 

verdient es paeys en vrede

 

om erfghenamen mede

 

te zijne / zyns Rycke / daer tlicht van liefden blaect

 

 

35

Danct Christum tallen tyden

 

die voor ons wilde lyden etc^a /

 

 

 

⁺ Zyne meErfghenamen zyn wy duer de ghenaede

 

by goddelicken Raede

 

en niet huut onse wercken

 

hoe Rechtueerdich van daede

5

ghedaen vrouch ofte spaede

 

dus Ieghens allen quaede

 

vvilt ons christus verstercken

 

Es hy met ons nacht dach

+ 65 v

+ Repetitie

+ 66 r

[p. 139]

 

nyemandt ons deeren mach

10

maer zegghen zoo Iob plach

 

doe hy bestoormet lach

 

// heere god bystandt ghepresen

 

vvilt my tot myns ghenesen

 

by hu stellende wesen

15

ken achts niet wat handt tmywaerts strydynghe maect

 

 

 

Danct Christum etc^a /

 

 

 

Gheworden Christum by / zyn wy die verre waeren

 

duer zyn bloeds openbaeren

 

tschutsel heeft wech ghenomen

20

duer twelcke Langhe Iaeren

 

vvy creghen gheen verclaeren

 

huut dhemelsche schaeren

 

dat ons yet mochte vromen

 

Tverloren schaep ghezocht

25

heeft hy / en thuus ghebrocht

 

end in zyn vleesch / ontCnocht

 

tsvaders gramschap / die mocht

 

ons zyn een groot beschaeder

 

dies wy nv allegaeder

30

een toeghanck totten vaeder

 

hebben alle beede / in eennen gheest ghestaect /

 

 

 

Danct Christum etc^a /

 

 

 

Dies zyn wy nv gheen gasten / noch vreimde ofghekeken

 

maer meburghers ghebleken

35

der helighen ghezeten

 

⁺ gods huusghezin gheleken^*

 

ghethemmert onbezweken

 

vp fundamentsche Reken

 

Tsappostels en Propheten

5

Ons aldere toevlucht

 

christe zyt ghy gheplucht

 

Wien hemel eerde ducht

 

end al thelssche gheRucht

 

ons leedsman ons behoeder

10

zyt ghy end onse voeder

 

gheworden onse Broeder

 

dies ons meErfuenesse dyns vaders Rycke maect /

 

 

 

Danct christum etc^a /

 

 

+ 66 v

* Oorspronkelijk ‘ghebleken’; ‘b’ doorgestreept.

[p. 140]

 

Princhelick

 

 

15

Christe Iesu / hebt neder willen daelen

 

Ende ten principaelen

 

den zondaers zaelich maecken

 

gheleden onse quaelen

 

ghewillich zonder faelen

20

met wonden deit tbetalen

 

onser boosheden zaecken

 

Onttween ghewreuen waert

 

om onser zonden Aert

 

gheOffert onghespaert

25

Als metter doodt bezwaert

 

 

 

Danct christum Tallen tyden

 

die voor ons wilde Lyden

 

als zekerste verblyden

 

daer doude vaders hebben Langhe naer ghehaect /

30

God en menssche waerachtich

 

mensch / end oock god crachtich

 

en de zelue Almachtich

 

Die zonder ons verdienste / ons zalich heeft ghemaect /