Eduard de Dene. Testament rhetoricael

Leysse
Vpden Voys
huut huudt / ghezellekens huwt
dat hu naermaels niet en gruwt /⁺

⁺ Te Bethleem tot onser baeten
es ons gheboren zo schoon een smul
In een huus met vele ghaeten
de ste^* / die wasser gheel of vul
vvant van eender maghet Reene
was gheboren tkyndeken Cleene
Sus tsus kyndeken tsus⁺
huwen wille die es aldus

Vp deerde sober binden dosse
lach dees schoonen pappaerdyn
eennen ezel end een osse
verwaermden hem de leden zyn
Tvroos / een man die mocht afgrysen
turf fasseel wasser noch Rysen // Sus tsus /

Tkyndt had hem wel willen waermen
het woeyer Inne Butertier
Ioseph slouch in bee zyn Aermen
by ghebreke van goet vier
Ioseph ghijnck huut metter mande
houtIen Raepen achter lande / Sus tsus /

Ioseph twonderlick mespaste
int vriesen tweder was verhit
tkyndeken dat speelde vaste
an zyn morkens borstkens wit
Ioseph ghijnck tkynds papken brocken
tmocht te wyle een mamken locken // Sus tsus /

Dheerders die te velde laeghen
hoorden Inde lucht Iolyt
naer tkyndeken ghynghen vraeghen
by zyn moerken vonden zyt
daer zout met huer borstkens paeyde

+ A^o.1532.

+ 64 v

* ‘de ste’ in de tekst tweemaal; tweede maal geschrapt.

+ Repeticie

[p. 137]

 

dus tkyndeken doe verfraeyde // Sus tsus /

 

 

 

Maria die schoone vriendinne

 

tkyndt heeft zou neerstich vpghequeect /

 

⁺ alst ontpaeyt was / morken minne

 

hebt ghy hu borstkens huutgheReect

 

end hem daer alle knyen voor bughen

 

liet ghy paeyenesse zughen / Sus tsus /

 

 

5

Tkyndt wierdt man / als den tydt quam

 

die daer toe was Gheordonneert

 

maer corts als onnoosel Lam

 

vvierdt ter doodt gheaccuseert

 

end es an tcrucen hout ghestoruen

10

tleuen hebwyr by verworuen / Sus tsus /

 

 

 

En laets daer omme niet trueren

 

maer dancbaerich en blyde zyn

 

iesus wil dat wy Creatueren

 

duer zyn doodt behouden zyn

15

vvant als dit kyndt was gheboren

 

tsvyands proy was gheel verloren / Sus tsus /

 

 

 

Princesse moeder maeght marie

 

Ionne / Als aerm zondich knecht

 

dat hu eeuvvich lof gheschie

20

in hemel end eerde Tes wel Recht

 

vvant bouen natuere onghewuene

 

hebt ons ghebaerst Een Ionghe zuene

 

Sus tsus kyndeken tsus

 

huwen wille die was aldus /

+ 65 r