Eduard de Dene. Testament rhetoricael

⁺ Liedeken
Vpden Voys
verIubileert hu nv ghy venus ionghen
den mey die staettere lustich ghebloeyt

Verblydt hu nv / die Christen name draeghen
vveenende Inne der traenen dal
thelich bloedt christi / eeuvvich tallen daeghen
heeft ofghewasschen ons zonden al

Int hout zo wast / dat adam eerst mesdede
onghehoorzaemelicke verCoent
An thout des crucen brocht ons Christus vrede
ende zijnen vader zyn wy verzoent

An thout des crucen duer liefue manieren
ten berghe van Calvaryen Reyn
Christus die schanck ons vyf bloedeghe Revieren
Tonser zuverynghe / Groot ende cleyn

Gheen bloedt van calueren ofte bucken

+ 54 r

[p. 118]

 

en mocht ons helpen huut ons verdriet

 

oock gheenderhande / eerdsche ghelucken

20

die en mochten ons oock helpen niet

 

 

 

Maer thelich bloedt christi / milde^* huutgheghoten

 

totte de laetste druepel Roodt

 

dat heeft den hemele gheheel ontsloten

 

veel mensschen verlost / voor deeuweghe doodt

 

 

25

Christus heet bloedt was onse offerhande

 

die god den vadere wilde ontfaen

 

an tcrucen hout / hyngh hy voor ons te pande

 

steruende / Riep hy Tes al vuldaen

 

 

 

Lof helich bloedt / wiens feestdach wy nv eeren

30

Lof zy hu inne der Eeuwicheyt

 

duer hu bloedt christe / wilt oorloghe keeren

 

en bewaert / de Conynglicke magesteyt

 

 

 

Beschermt van plaeghen / al die ons beminnen

 

der stede van Brugghe verleent voorspoet

35

datter mach / neerynghe gheRaecken Binnen

 

daer wy scholierkens / zyn vpghevoedt /

 

. 1546 .

* ‘milde’: ‘d’ geschreven bovenop een niet meer leesbare letter.