Eduard de Dene. Testament rhetoricael

Prouerbi .2^o.

Eist dat ghy wysheyt neerstelick zaen

Als ghelt / te zouckene wilt onderwynden

dan zult ghy tsheeren vreese verstaen

ende gods kennesse zult ghij vynden.

Want dheere gheeft wysheyt Alleene

diet al Regiert ouer zee ende zandt

ende huut zynen monde Reene

Comt kennesse ende verstandt

Eist dat hu die wysheyt ter herten ghaet

en hu leuen wilt tdier kennessen spoeden

hu zal bewaeren dan / den Raedt

En voorzieneghe wysheyt zal hu behoeden

Dan zult ghy verstaen Rechtueerdicheyt

eist dat ghy wysheyt hebt ghecreghen

oock oordeel ende vpRechticheyt

Verstaen zult / end alle goede weghen