Cap. XI.
Vande Exorcismen, belesinghen, oft besweeringhen.
AEn-gaende de heylighe woorden teghen den vyandt crachtigh, zijn sonderlinghe de Exorcismi, dat is, belesinghen ende besweeringhen, van de H. Kercke daer toe gheordineert. Als zijn de Exorcismi die-men naer't Roomsch orden is ghebruyckende: ende namentlijck oock die in d'Manuael staen, ghemaeckt veur het Aers-bisdom van Mechelen, ghevisiteert ende gheapprobeert, by de Doctoren inder Godtheydt, der Vniuersiteyt van Louen.
By welcke Exorcismen, oft belesinghen, ende andere middelen al-daer verhaelt, in dien de arme besetene, oft betoouerde menschen d'eerste reyse niet gheholpen en worden, en salt niet quaedt wesen, ander-werf, drij oft vier-mael, iae tot acht oft neghen-mael, ende meer, t'selue te her-nemen. Al-tijdts nochtans met een suyuer ende ootmoedigh herte, met een goedt op recht ghelooue, ende vast betrouwen op Godts bermhertigheydt. Sy seluen t'elcke reyse stellende veur al in state van gratie, ende oock mede de ghene, die-men begheert te helpen: iae het gheheel huys-ghesin, soo verde het moghelijck is.
Onder alle de veur-noemde middelen, en is het minste niet, iae eer het alder-treffelijckste remedie teghen toouerije, alder-hande aenvechtinghen, ende quellinghe der boose gheesten, te ghebruycken met een suyuer conscientie ende vast ghelooue, het sacrificie der heyligher Misse. Ende dat principalijck by eenighen goeden godtvruchtighen priester te doen lesen ende offeren, ouer de ghene die met sulcke quellinghen bevanghen zijn.
Ga naar margenoot+Hier van hebben wy een seer schoon exempel beschreuen by den heylighen ende grooten Leeraer der H. Kercken S. Augustijn, van eenen edel-man ghenoemt Hesperius: hoe dat sijn huys en hof, dienaeren ende beesten in verscheyden manieren vanden boosen gheest ghequolen waren. Hy heeft in d'absentie van S. Augustijn eenen
Auteursrechtvrij