Cap. XIIII.
Hoe Christus den boeck inde Synagoghe open ghedaen heeft, ende ghelesen soo't gheviel.
Ga naar margenoot+NIet qualijck en dient oock tot onsen veur-nemen, het ghene dat wy van onsen Saligh-maecker selue lesen. Aldus heeft S. Lucas in sijn Euangelie: Iesus is tot Nazareth ghecomen, daer hy op-ghevoedt hadde gheweest: ende hy is naer sijn maniere van doen, op den Sabbaoth-dagh in de Synagoghe ghegaen, ende is op-ghestaen, om te lesen. Ende men heeft hem denGa naar margenoot+ boeck van Isaias den Prophete ter handt ghedaen: Et vt reuoluit librum, inuenit locum vbi scriptum erat: Spiritus Domini super me, &c. Ende met dat hy den boeck ontdede, soo heeft hy die plaets der Schrifture ghevonden, die seght: Den gheest des Heeren is op my: waerom hy me oock ghesalft heeft: hy heeft my ghesonden om de arme ootmoedighe het Euangelium te vercondighen, etc. Ende als hy den boeck toe-ghesloten hadde, soo gaf hy dien den dienaer der Synagoghe wederom. Ende de oogen van alle de gene die in de Synagoghe waeren, die waren naer hem siende. Ende hy begost tot henlieden te segghen: Weet dat als-heden dese Schrifture in uwen ooren vervult is, etc. Want die plaetse der H. Prophetije (die hy daer soo ten goeden ghelucke las) die sprak van hem selue, die't soo al bedecktelijck in d'openen des boecks was beschickende.
Auteursrechtvrij