De Psalmen Davids, ende ander lofsanghen

Bebedt voor Eten.

PSAL. 104, & 145.

PSAL. 104, & 145.

vers. 15. Alle oogen wachten op v Heere, ende ghy gheeft hen haere spyse tot sijner tijdt.

16. Ghy doet uwe milde handt open, ende versaediget alles wat daer leeft, nae v welbehaegen.

[p. 177]

HEERE almachtige Godt, ghy die alles geschaepen hebt, ende noch doer uwe Goddelicke kracht onderhoudet, ende dat volck Israel in de woestijne gespyst hebt, Wilt uwen segen strecken ouer ons uwe aerme dienaers, ende ons heylighen dese gaeuen, die wij van uwe milde goedtheit ontfanghen, op dat wy se maetelick ende heylighlick nae uwen goeden wille mogen gebruycken, ende daer doer bekennen, dat ghy onse Vaeder ende een oorspronck alles goedts sijt. Gheeft oock dat wy altijdt ende voor allen dinghen soecken dat Gheestelick broot uwes Woorts, met d'welcke onse siele gespyst werde ten eewighen leuen, d'welcke ghy ons bereydt hebt doer dat heyligh Bloedt uwes lieuen Sones onses Heeren IESV Christi.

Onse Vader, etc.

[p. 178]

Also vermaent ons onse Heere Iesus Christus, Luc. in't 21. Cap.

vers. 34. Wachtet v, dat uwe herten niet t' eeniger tijt beswaert werden met brasserye ende dronckenschap, ende met sorge deses leuens, op dat dien dagh niet snel ouer v en komme.

35. Want gelijck een valstrick sal hy komen ouer alle de ghene die op eerden wonen.