De Psalmen Davids, ende ander lofsanghen

[p. 173]

Dat Morgen Gebedt.

O Barmhertige Vader, wy dancken v, dat ghy dese nacht so getrauwelick voor ons ghewaeckt hebt, Ende bidden v, dat ghy ons wilt stercken met uwen heylighen Geest, die ons voortaen⁺ gheleyde, dat wy desen dagh (metgaeders alle de daegen onses leuens) moghen besteden tot aller gerechticheit ende heylicheit, ende wat wy in handen nemen, dat onse oogen altijt^* sien, om v eere te verbreyden, also dat wy alle den⁺ voorspoet onses voornemens van uwer milder hand alleen verwachten. Ende op dat wy sulcke genaede van v verkrijghen, wilt ons (nae^* uwe beloftenisse, vergeuen alle onse sonden, doer dat heylige lyden ende bloetvergieten onses Heeren IESV Christi, Want se sijn ons van herten leedt. Verlicht onse herten, op dat wy alle⁺ wercken der duysternis afgeleydt heb-

+ Iac. 4,15.

* Mat. 6,35.

+ 1.Cor. 3,6. Psal. 127,2.

* Ier. 31,34.

+ Ro. 13,12.

[p. 174]

bende, als Kinderen des lichts in een nieuw leuen mogen wandelen in aller Godtsalicheit. Gheeft oock uwen segen, tot de verkondinghe uwes Goddelicken Woordts. Verstoort alle wercken des duyuels, Stercket alle Kerckendienaers, ende Ouerheiden uwes volcks. Troost alle veruolghde ende benaude herten, doer Iesum Christum uwen lieue Sone, welcke ons beloeft heeft, dat ghy ons alles, wat wy v in synen⁺ Naeme bidden, sekerlick geuen sult, ende daerom ons also heeft heeten bidden:

Onse Vader, etc.

Verleent ons ooc uwe genaede, dat wy nae uwen wille mogen leuen, welcken ghy ons in uwe Wet^* gheopenbaert hebt, ende in dese thien geboden begrepen:

Ick ben de HEERE uvve Godt⁺, etc.

+ Ioh. 14,13.

* Psal. 103,7

+ Exo, 20,2. Deut. 5,6.