Het oudt Huysken van Bethleem

met vele schoone leyssenen, lofsanghen ende andere geestelyke liedekens verciert, ter eere van den nieuwen gheboren Coninck onsen Salichmaker Christus Jesus

Om op die gratie te singhen.

Nv laet ons alle segghen danck
Ons Heer, ons Godt, ons Vader
Die ons van bier, van wijn, van dranck
Versaeyt heeft alle gader
Van vlees en ander goede spijs
Ghecockt bereyt seer menich wijs
Wilt hem v hert aencleuen
Hy en sal v niet begheuen.

Die sone Gods ghebenedijt

Die willen wy mede louen
Die ons van sonden heeft beurijdt
Wanneer wy waren verschouen
Die ons so minnelijck heeft ontfaen
Ende inder noot niet af en wilt gaen
Bemindt hem in dit leuen
Hy en sal v niet begheuen.

Wy dancken oock Godt den heylighen Gheest

Van sijnder visitatie
En hadden hy by ons niet gheweest
Ons vreucht waer tribulatie
Hy is een trooster int verdriet
Want sonder hem en sijn wy niet
Wilt hem v herte bereyden
Hy en sal van v niet scheyden.

Wy willen die weert oock dancken seer

Diet al heeft laten coken
Hy heeft so wel bewaert sijn eer
Want ons en heeft niet ghebroken
Wy dancken oock dit gheselschap goet
En sijt vrolijck met herten soet

[p. 162]

 

Dat ghylien sijt ghecomen

 

Wort danckbaerlijck ghenomen.

 

Wy en willen oock vergeten niet

 

Die van hier sijn ghescheyden

 

Op datse den Heer wt allen verdriet

 

Al in sijn rijck wilt leyden

 

Want so wy doen, sal ons gheschien

 

Wanneer wy dit leuen vlien

 

Also so wilt voor desen

 

Eenen pater noster lesen.

 

Wy willen ons wat verblijden nou

 

Tis nv een dach van vreuchden

 

Van swaricheyt ons maken schou

 

So moghen wy wat verieuchden

 

Den bogh mach altijdt niet gespannen staen

 

Hierom altijt laet droefheyt gaen

 

Tis nv gheenen tijt van schreyen

 

Wy willen ons wat vermeyen.

Finis.

Vidit & approbauit Michael Hetsroey Bruegelins Canonicus Antwerpiensis. Censor Librorum, Antwerpiae, 1590.

Ita fateor Michael H. Bosmans heeft desen boeck gemak